Beplan vooruit vir jou gesondheidsorguitgawes ná a rede
Versuim om vir gesondheidsorguitgawes ná aftrede te beplan, kan jou vermoë om op jou oudag toegang tot gesondheidsorg van gehalte te hê, belemmer.
Wanneer jy vir aftrede beplan, moet jy ook in ag neem dat mediese inflasie 3-5% hoër as gewone inflasie is. Dit beteken dat jou vermoë om jare later jou mediese skema en verwante uitgawes te kan bekostig, deur die invretende uitwerking van inflasie op die koopkrag van geld belemmer sal word. Ten einde oor 20 jaar dieselfde mediese sorg waaraan jy vandag gewoond is te kan bekostig, moet jy ’n groter deel van jou inkomste vir mediese uitgawes begroot as wat tans die geval is.
Die volgende spaaropsies is voorgestel om gesondheidsorguitgawes ná aftrede te bestuur:
1. Uittree-annuïteite
’n Uittree-annuïteit kan nuttig wees vir die befondsing van mediese uitgawes en gapings- en gevreesdesiektedekking, en is binne toelaatbare perke belastingaftrekbaar terwyl jy tot jou uittree-annuïteit bydra en ná aftrede.
2. Mediese skemas en gapingsdekking As jy aan ’n mediese skema behoort, word jy vir uitgawes binne en buite die hospitaal gedek. Die bykomende voordeel van gapingsdekking beskerm jou verder en kan help om die tekorte met betrekking tot mediese uitgawes of noodgevalle wat bykomende onvoorsiene uitgawes tot gevolg het, te dek.
3. Gevreesdesiektedekking
Dit is die moeite werd om hierdie dekking te oorweeg om jou uitgawes te dek indien ernstige siektes soos demensie of kanker by jou gediagnoseer word, wat onmiddellike gevolge vir jou lewenstyl en groot finansiële implikasies kan inhou. As jy gevreesdesiektedekking in plek het, kan jy by diagnose ’n enkelbedrag ontvang wat met uitgawes en lewenstylaanpassings kan help. Sanlam se Doelwitbestuurder is ’n nuttige hulpmiddel wat Suid-Afrikaners ’n werklike beeld gee van wat die koste van mediese hulp in die toekoms sal wees. Dit stel jou in staat om enige bestaande voorsienings in te voer, wat dan deur Doelwitbestuurder bereken word deur bestaande koste te gebruik en inflasie in te faktoreer om te bepaal wat die aanvangspremie sal wees. Ten slotte maak dit dit vir jou moontlik om te spaar en mediese hulp ná aftrede te bekostig.
Kontak Annatjie Els by 013 880 0061 of 083 679 4697 vir professionele advies. Sanlam is ’n gelisensieerde verskaffer van finansiële dienste.