BAKTERIESE INFEKSIE
HELP MET DIE PYN
Om brandboudjies reg te behandel, is dit belangrik dat jy kan onderskei tussen die verskillende soort brandboudjies sodat jy die regte medisyne kies. So nie is dit die moeite werd om in ’n goeie mengsel te belê. Jy kan jou apteker vra om dit vir jou te meng. Hier is die drie soorte brandboudjies wat jou baba kan opdoen.
VELIRRITASIE
Luieruitslag begin gewoonlik as ’n effense rooierigheid en geïrriteerdheid. Dis baie belangrik om dadelik werk daarvan te maak al is dit hoe gering, want beskadigde vel is kwesbaar vir swam- en bakteriese infeksies, wat die uitslag kan vererger. BEHANDELING Ruil jou baba se doeke meer gereeld as gewoonlik om: nat weggooidoeke omtrent elke twee uur en vuil doeke onmiddellik. Maak baba se boudjies met elke doekruiling deeglik skoon deur dit met water en watte te was. Jy kan hardnekkige stoelgang met ’n lappie met skoon kookolie op verwyder.
Droog dit deeglik af – ook in die velvoue – deur met ’n skoon handdoek sagkens daarop te druk (moenie vryf nie). Wend ’n gewone skermroom of sinksalf aan, soos Fissan of Bennetts.
As jou baba gedurig brandboudjies kry, beproef gerus ’n ander soort weggooidoek. Sommige babas se vel is sensitief vir die stof waarvan die weggooidoek gemaak is of die seep waarin lapdoeke gewas word. Dit kan help om sowat 125 ml asyn by jou lapdoeke se afspoelwater te voeg om die invloed van die chemikalieë in die waspoeier te verminder.
Sommige kenners reken ook dit help om baba se boudjies met rooibostee te behandel. Jy kan hom in flou rooi- bostee bad of die nat sakkies oor sy boudjies vee.
Gewone luieruitslag behoort ná drie tot vier dae van behandeling op te klaar. As dit langer duur of ondanks jou pogings erger word, moet jy die klinieksuster, apteker of dokter om hulp raadpleeg.
Babas se boudjies is veral vatbaar vir bakteriese infeksie as die vel klaar effens stukkend is.
Jou baba se boudjies kan helderrooi en geswel lyk en warm voel, en gelerige nat seertjies of puisies kan vorm. Hy kan selfs koors hê. BEHANDELING ’n Gewone skermroom sal nie nou help nie. Vra jou apteker vir ’n goeie antibakteriese salf soos Bactroban. Hou baba se boudjies skoon en droog. Jou dokter sal in kwaai gevalle antibiotika voorskryf wat vinnig daarmee behoort klaar te speel.
SPROEI OF ’N SWAMINFEKSIE
Brandboudjies as gevolg van sproei begin gewoonlik met klein rooi kolletjies wat ál meer word tot dit uiteindelik een groot helderrooi en opgehewe area vorm met duidelike rande en klein rooi kolletjies naby die groter rooi areas.
Die rooiheid strek tot in die voue van die vel. BEHANDELING ’n Gewone skermroom en antibakteriese salf sal nie hiervoor help nie. Raadpleeg dus jou dokter of apteker. Jou dokter sal waarskynlik ’n swamdoder soos Nystatin voorskryf. Was jou hande deeglik ná elke doekruiling.
Swaminfeksies is dikwels algemeen by babas wat antibiotika gedrink het. Probeer dus om altyd vir baba ’n probiotikum saam met die antibiotikum te gee.