GESONDE PARTYTJIEKOS
Ek is ’n ma met ’n vyfjarige dogtertjie. Ons hou partytjie en ek wil graag gesonde kossies voorsit. Wat sou jy voorstel?
ANEL KIRSTEN ANTWOORD:
Hier is ’n paar wenke vir ouers wat ’n partytjie hou of vir ’n kind wat na ’n partytjie toe gaan. VOOR DIE PARTYTJIE Maak seker dat jou kind ’n gesonde en gebalanseerde ete geëet het. Kinders se eetgedrag word dikwels deur honger bepaal. ’n Honger kind sal ’n groot deel van die partytjie om die lekkergoedtafel deurbring en eet wat ook al beskikbaar is. Kinders wat nie honger is nie, gaan die meeste van die tyd speel.
BY DIE PARTYTJIE Kinders eet wat aan hulle voorgesit word. As gesonder kos gegee word, gaan die kinders dit eet. As gesonde opsies saam met minder gesonde opsies voorgesit word, is die kans goed dat die kinders die ongesonde happies sal kies. Sit dus liewer net gesonde eet- en drinkgoed voor. Hier is ’n paar idees. • Soet keuses: plaatkoekies, pannekoek, tuisgemaakte vla, bevrore jogurtstokkies (meng vrugte en jogurt, vries in vorms), gesnyde vrugte, vrugtesosaties, gedroogde vrugte, rosyne in mooi versierde boksies, aarbeie gedoop in sjokolade • Sout keuses: Vormtoebroodjies, hoenderrepies, hoenderboudjies, hoendersosaties, biltong, klein pakkies skyfies, kaaswiggies of -blokkies, springmielies, gebakte aartappelskywe, klein souttertjies, mini-pizzas, klein frikkadelletjies, mini-hamburgers • Drankies: water (stil of met gas), verdunde vrugtesap, tuisge
maakte ystee (rooibostee gemeng met 100% vrugtesap) Klein speel- of skryfding
1 koppie tuisgemaakte springmielies
Boksie Smarties (15 g) 2 biltongstokkies 1 mini-Fizzer
TOTALE teelepels suiker = 5
PARTYTJIEPAKKIES Pakkies is gewoonlik gevul met heelparty items wat baie suiker en sout bevat, maar net uit leë kilojoules bestaan. Verminder die suikerinhoud van partytjiepakkies deur gesonder items te kies.
NA DIE PARTYTJIE Fokus daarop om vir jou kind ’n gesonde peuselhappie te gee wat proteïen of oplosbare vesel bevat om te help met bloedglukose-beheer en om ’n dramatiese glukosewipplank ná die partytjie te voorkom. Kies kos soos piesang, appel, lemoen, biltong en suikervrye jogurt.
NOG IDEES EN RESEPTE Volgehoue energie vir kinders (Gabi Steenkamp, Tanzia Merlin en Jeske Wellmann); Soet en sout gebak vir volgehoue energie 1 (Gabi Steenkamp en Jeske Wellmann).