LEKKER FLIEK
• STEL VOORAF vas presies waaroor die
fliek gaan. • BEREI KINDERS VOOR. Sê byvoorbeeld dat dit net ’n storie is en dat die karakters geteken word – dit help hulle om meer realisties oor die gebeure te wees. • GESELS AGTERNA weer oor die fliek sodat enige misverstand of angstigheid oor die storie opgeklaar kan word. Was daar ’n lessie? • KARAKTERS moet ’n goeie voorbeeld stel
omdat kinders sterk met hulle identifiseer. • KINDERS SE VERBEELDING tussen twee en sewe is baie sterk en flieks kan ’n groot uitwerking op hul denke hê. Baie emosionele terapie geskied op hierdie ouderdom deur die lees en vertel van stories. • OORMATIGE AGGRESSIE en geweld moet vermy word. Kinders moet leer om konflik op ’n meer konstruktiewe manier te hanteer. • DINGE WAAROOR DIE KIND NA DIE TYD GESELS is gewoonlik die dinge wat haar die meeste geraak het. Probeer begelei en die gebeure in perspektief plaas. Onthou dat dinge wat volwassenes snaaks vind, soms vir kinders bang maak. • KINDERS VAN TWEE TOT VIER kan nog nie abstrak dink nie. Hulle dink net konkreet en is baie selfgesentreerd. • ’N KIND JONGER AS VYF kan nie werklik ’n fliek in ’n teater waardeer nie. Die stilsit is te lank. • WAAK TEEN TE VEEL soet eetgoed en koeldrank as julle ’n rustige flieksessie wil hê. Baie kleingoed raak meer aktief weens kleurstof en byvoegende middels. • ONTHOU om vooraf toilet toe te gaan. • DIE KINDERSITPLEKKIES wat kinders hoër
laat sit, is nuttig. • KYK EERS NA DIE VIDEO OF DVD voor jy dit saam met jou kind kyk. Maak seker jy is gemaklik met die inhoud. • MAAK TYD om saam flieks te kyk, net soos julle saam boek lees. Dit is ’n spesiale tyd wat julle kan deel. Praat oor die fliek en bring dit in verband met jul eie lewe. • WEES AKTIEF betrokke voor, tydens en nadat julle die prent gekyk het. Doen praktiese aktiwiteite. Vra vrae, doen rollespel. Stel die fliek of program bekend of brei dit uit deur kunsprojekte, verf of boeke. Moedig deelname aan: Dans, beweeg saam met die musiek, praat terug met die skerm en karakters. • LEER OM DIE POUSE-, STOP- EN TERUGSPEELKNOPPIES van die DVDspeler tot jou voordeel te gebruik. Tegnologie gee jou buigsaamheid wat jy nie met TV-programme kry nie. Jy kan so voorskoolse kinders se kyktyd aanpas om by hul konsentrasievermoë te pas. Skoolgaande kinders kry ook ’n sin van beheer oor hul kyktyd en waardeer die dele wat hulle oor en oor wil sien. • BOU OP jou kind se belangstellings. Oorweeg programme vir die herhalingsfaktor daarvan. Soos met boeke lees hou hulle daarvan om flieks weer te kyk. Dit stimuleer hul verbeeldingswêreld en nuwe inligting word geleer en deel van hul lewe gemaak. • BOU SAAM aan ’n mediabiblioteek wat naas die kinderboekbiblioteek kan bestaan. Programme en storieboeke met spesifieke temas kan mekaar dan aanvul.