V& A baba

My pasgeborene se koppie is die heeltyd na een kant gedraai. Hy kyk net links. Is dit normaal?

DR. H.P. VAN DER MERWE ANT

WOORD: Die algemeenste rede waarom ’n gesonde voltermynbaba geneig is om sy koppie konstant na die een kant gedraai te hou, is dat sy nekspiertjies aan die een kant styf is. Dit is dikwels die gevolg van die posisie waarin hy in die baarmoeder gelê het.

Dit kan gewoonlik maklik reggestel word met mobilisasie-oefeninge vir die nekspiere wat tuis of met die hulp van ’n fisioterapeut gedoen kan word.

Dis belangrik om te sorg dat jou baba nie net in sy nekvoorkeur-posisie gevoed word nie en dat visuele en klankstimulasie nie net van die een kant af geskied nie.

Daar kan egter ook ander redes wees waarom jou baba sy kop in een rigting gedraai hou; laat hom dus liefs eers volledig ondersoek voor julle met nekspieroefeninge wegspring. Geboortebeserings, sekere spier- en neurologiese toestande en visieprobleme kan ook veroorsaak dat ’n baba sy koppie na die een kant gedraai hou.