AAP­STERT EET S­KIE­LIK NIE

Baba & Kleuter - - OP VRAE -

My ba­ba van ne­ge maan­de het al­tyd baie goed ge­ëet. Ek het met pu­rees be­gin en stel­sel­ma­tig meer teks­tu­re by­ge­voeg. Hy het selfs lek­ker aan maal­vleis ge­smul. Maar nou het hy s­kie­lik al­le kos be­gin wei­er. Hy eet am­per niks, be­hal­we af en toe ge­bot­tel­de pu­ree. Ek ver­staan nie wat nou s­kie­lik ver­an­der het nie. Wat kan ek doen?

ANEL KIRSTEN ANT­WOORD:

Dit kan om ver­skeie re­des ge­beur. Dalk kry jou kind tan­de, of hy’t ’n on­der­lig­gen­de ver­koue of dalk ’n seer keel. By jong ba­bas ver­staan ’n mens nie al­tyd hul re­des nie. Hul­le be­gin soms ook min­der eet wan­neer hul­le be­sig is om ’n nuwe teks­tuur baas te raak.

Uit ’n voe­dings­oog­punt moet jy voort­gaan om jou ba­ba aan teks­tu­re bloot te stel, selfs al gril hy daar­voor. Ek het ge­vind dat kin­ders vir fyn­ge­maak­te kos be­gin gril en dan meer van vin­ger­kos hou. Ek stel dus ’n kom­bi­na­sie van pu­ree en vin­ger­kos­sies voor. Ter­wyl hy met die vin­ger­kos speel en dit ont­dek, kan jy ’n paar hap­pies pu­ree tus­sen­in gee.

Baie belangrik: Van­af se­we tot 10 maan­de is daar ’n ven­ster­tyd­perk waar­in ’n mens ba­bas aan nuwe teks­tu­re kan bloot­stel om la­te­re fie­mies te voor­kom. Na­vor­sing het ’n ver­band ge­vind tus­sen die ver­my­ding of laat be­kend­stel­ling van grow­we teks­tu­re (ná ne­ge maan­de) en voed­sel­aan­vaar­ding teen die ou­der­dom van se­we jaar.

Stu­dies het ver­der ge­toon dat ba­bas wat ná 10 maan­de eers aan teks­tu­re bloot­ge­stel is, nie ge­sins­kos ge­niet het nie en teen 15 maan­de dui­de­li­ke eet­voor­keu­re ge­had het.

Pro­beer dus om vin­ger­kos soos roos­ter­brood, pie­sang, half­s­ag­te kaas en aar­beie aan te bied. Ja, dis ’n ge­mors, maar dit is belangrik dat jou ba­ba leer om on­af­hank­lik te eet. Be­skou dit as ’n be­leg­ging in sy lang­ter­myn- ge­son­de eet­ge­woon­tes en be­lang­stel­ling in ge­son­de kos.

Die doel van ba­ba­voe­ding is om kin­ders met bou­blok­kies van ko­s­in­lig­ting te voor­sien so­dat hul­le teks­tu­re en sma­ke kan leer en uit­ein­de­lik aan die ge­sinsta­fel kan eet.

Newspapers in Afrikaans

Newspapers from South Africa

© PressReader. All rights reserved.