NEUS IN ’N BOEK!
Ons keuse van nuwe voorlees- en selfleesboeke vir die jonger lede van die gesin.
AS ALLES VERBY IS …
Kwaai Uil sit omgekrap en kyk hoe ’n vreeslike storm opbou. Maar as alles verby is, besef hy dat iets wonderliks ná al die slegte weer wag ... Die boekie het ’n pragtige lewenslessie. Jonger kinders sal mal daaroor wees as jy dit vir hulle voorlees, maar beginnerlesertjies kan dit sommer self lees – die teks is groot genoeg. Die illustrasies is lieflik en snaaks en sal vir groot pret sorg. Penguin Random House, R60.