Kom ons gaan op ’n uit­stap­pie

Is jy ge­reed om die huis met jou nu­we baba te ver­laat? Volg ons wen­ke om jul eer­ste uit­stap­pie suk­ses­vol te maak.

Baba & Kleuter - - INHOUD -

WAN­NEER?

Jou baba is ge­woon­lik teen twee we­ke oud ge­reed vir ’n eer­ste uit­stap­pie, mits jý daar­voor reg is! Daar is nie ’n re­ël of we­ten­skap wat be­paal wan­neer hier­die uit­stap­pie moet plaas­vind nie. Dit is bloot ’n vraag van ge­son­de ver­stand, want teen hier­die tyd het jy en jou nu­we baba al aan me­kaar ge­woond ge­raak en ’n ef­fen­se roe­ti­ne ge­ves­tig.

S­LIM WENK Hou die eer­ste uit­stap­pie kort. Moet be­slis nie ure se in­ko­pies aan­durf nie!

WAT JY MOET WEET

Moe­nie haas­tig wees nie. Dit gaan jou veel lan­ger kos om by ’n plek uit te kom as voor­heen. Gun jou dus min­stens twee keer so­veel reis­tyd as in die ou dae toe jy net ’n sleu­tel en hand­sak kon gryp. Er­va­re ma’s se raad is dat jy die eer­ste uit­stap­pie so kort moont­lik hou.

Voed baba kort voor jul­le ver­trek. Jy gaan haar waar­skyn­lik ty­dens die uit­stap­pie ook moet voed, maar deur haar melk te gee net voor jul­le loop, keer jy dat sy in die mo­tor of met jul aan­koms hon­ger is. Doen die­self­de voor jul­le te­rug­kom – voed haar by die plek. ’n Skreeu­en­de baba in die mo­tor is baie span­nend!

WAARHEEN?

Kies ’n vei­li­ge, be­ken­de plek wat kin­der­vrien­de­lik is. As jy bors­voed is dit be­lang­rik om ’n plek te kies waar jy dit in vre­de kan doen. Dink aan die soort stoe­le wat daar is. Is dit ge­mak­lik? Vra jou ook die vol­gen­de af: • IS DIE PLEK BEKNOP? ’n E­nor­me ba­bas­toot­wa­en­tjie wat tus­sen klein ta­fels met glas­koek­staan­ders op deur­ge­stuur moet word, plaas on­no­di­ge span­ning op ’n nu­we ma. Is dit ’n plek waar­van jy baie hou en waar jy ge­mak­lik voel? In­dien wel, is die kans goed dat jou baba ook daar­van gaan hou. • E­NI­GE RESTAURANT OF KOFFIEWINKEL IN DIE NA­TUUR IS ’N GOEIE PLEK. As die weer dit toe­laat is jou beste keu­se ’n o­pe­lug-plek waar baba dalk on­der ’n boom in sy wa­en­tjie kan lê.

Die vol­gen­de plek­ke moet jy op jul eer­ste uit­stap­pie liefs ver­my: • BE­DRY­WI­GE WINKELSENTRUMS Die skerp lig­te en min vars lug is nie goed vir jou baba nie. Daar is ook al­tyd men­se wat aan jou baba wil vat. Hoe­wel dit meest­al goed be­doel word, is dit nie ge­wens dat jou baba aan al­mal se kie­me bloot­ge­stel word nie. • SKOLE Moe­nie met jou baba gaan spog by ’n skool of dag­s­org­sen­trum nie. Ver­kou­e­kie­me en an­der na­re vi­rus­se flo­reer op sul­ke plek­ke en dis on­no­dig dat jou baba nou al daar­teen moet veg. • NIE- KINDERVRIENDELIKE RESTAURANTE Die klan­te van ’n def­ti­ge vyf­ster-restaurant gaan waar­skyn­lik nie glim­lag as jou baba begin kerm nie.

’N HELPENDE HAND

Selfs al is jy ’n baie on­af­hank­li­ke mens, moet jy dit tog oor­weeg om jul eer­ste uit­stap­pie nie ’n so­lo­vlug te maak nie.

Din­ge sal baie glad­der ver­loop as daar ie­mand by jou is wat kan help met al­les wat saam­ge­dra moet word.

Baie dok­ters be­veel ook aan dat vroue wat ’n kei­ser­snee ge­had het, eers ná ses we­ke mo­tor be­stuur. Vra dus jou vrien­din of ma om jou te neem.

En ont­hou om jou dok­ter se toe­stem­ming te kry voor jy dit weer ag­ter die stuur in­waag!

Newspapers in Afrikaans

Newspapers from South Africa

© PressReader. All rights reserved.