Borsvoeding: spring reg weg

Die ge­heim van borsvoeding is om kor­rek te begin. Ons ver­dui­de­lik hoe.

Baba & Kleuter - - INHOUD - DEUR CAMILLA RANKIN

Som­mi­ge ma’s en ba­bas kry borsvoeding vin­nig en son­der te veel moei­te reg, maar vir al­mal ver­loop die sa­kie on­ge­luk­kig nie al­tyd so glad nie.

Borsvoeding is ’n vaar­dig­heid wat so­wel ma as kind moet aan­leer. Lê dus in die eer­ste drie of vier dae ’n goeie fon­da­ment in die hos­pi­taal waar daar per­so­neel is wat jou kan on­der­steun.

VOOR DIE GE­BOOR­TE

Jy kan jou voor die be­val­ling al begin ge­reed­maak vir borsvoeding. Rus jou toe met so­veel moont­lik in­lig­ting. Dit sal help dat jy en baba gou­er op dreef met borsvoeding kom en ook pa­raat is as te­rug­slae dalk oor jul pad kom. Moet jou nie steur aan ou­vrou­sto­ries soos dat jy jou te­pels met salf moet smeer of met har­de bor­sels moet skrop nie – dit sal jou te­pels net seer pleks van sterk maak.

EER­STE VASSUIGSLAG

Goeie heg­ting aan die bors is be­lang­rik en hoe gou­er jy daar­mee weg­spring, hoe be­ter. Laat jou baba so gou moont­lik ná die be­val­ling vas­suig, som­mer net daar in die kraam- of her­stel­ka­mer.

Dit staan be­kend as die goue uur ná ge­boor­te om­dat na­vor­sing wys dat hoe gou­er baba aan jou begin drink, hoe min­der suk­kel jul­le la­ter met borsvoeding.

Moet eg­ter nie pa­nie­ke­rig word as jou baba ná vas­heg­ting nie wil suig nie. Dit be­te­ken nie sy sal nie kan bors­voed nie. Sy is dalk net moeg ná ’n uit­put­ten­de ge­boor­te of straks nog on­der die in­vloed van ’n mid­del soos pe­ti­dien, wat ty­dens die be­val­ling toe­ge­dien en eers ná ’n ruk­kie uit­ge­werk word.

Ont­hou, in die hos­pi­taal sal din­ge nie so na­tuur­lik en ge­mak­lik voel soos dit eint­lik kan wees nie. Dis om­dat dit vir jou ’n splin­ter­nu­we er­va­ring is.

Jy weet jou kind suig reg vas as: • haar mond jou te­pel en ’n groot deel van die a­re­o­la (die don­ker deel om die te­pel) toe­maak; • haar ken aan jou bors raak; en • haar bo- en on­der­lip oop is en soos ’n vis­bek­kie bo-oor jou bors pas. Borsvoeding be­hoort nie jou te­pels te laat pyn nie. As jy pyn het, heg jou baba waar­skyn­lik nie heel­te­mal reg vas nie. Haal haar van die bors af deur jou pin­kie in die hoek van haar mond te druk en die se­ël tus­sen haar tong en ver­he­mel­te te breek. Pro­beer dan weer.

Maar ont­hou, selfs met die kor­rek­te heg­ting kan jou te­pels steeds ge­voe­lig wees weens hor­moon­skom­me­lin­ge wat ná die ge­boor­te plaas­vind. Dié hor­moon­ge­dre­we sen­si­ti­wi­teit neem met­ter­tyd af, maar as jy se­ker maak jou baba heg kor­rek vas, kan jy ge­bars­te te­pels met bla­se ver­my.

EER­STE VOE­DING

Wan­neer jou baba vas­suig be­hoort sy ’n paar vin­ni­ge sluk­kies te neem en dan oor te slaan na ’n ster­ker, meer rit­mie­se voe­ding. Daar word aan­be­veel dat jy haar toe­laat om te voed so­lank as wat sy wil. Wis­sel jou borste af so­dat jou melk­pro­duk­sie aan al­bei kan­te ge­sti­mu­leer word.

Die eer­ste voe­ding kan vreemd en on­ge­mak­lik wees en par­ty ma’s kan oor­wel­dig voel. Ont­hou, jy en jou baba het ’n in­ten­se er­va­ring deur­ge­maak en het tyd no­dig om te her­stel en me­kaar te leer ken.

EER­STE MELK

Die eer­ste melk wat jou baba drink is ’n ge­kon­sen­treer­de, room­kleu­ri­ge vloei­stof wat baie pro­te­ïen en min vet be­vat en ko­los­trum ge­noem word. Ko­los­trum be­vat wa­ter, sui­ker, vi­ta­mie­ne, pro­te­ïe­ne, mi­ne­ra­le en be­lang­ri­ke teen­lig­gaam­pies wat jou baba teen in­fek­sies be­skerm en haar im­muun­stel­sel ver­sterk. Die ko­los­trum be­vat ook ’n stof ge­naamd lak­to­fer­rien, wat soos ’n na­tuur­li­ke an­ti­bi­o­ti­kum op­tree. Om­dat dit so ge­kon­sen­treerd is, sal jou baba net so­wat ’n hal­we tee­le­pel per voe­ding no­dig hê. Na­tuur­lik is dit on­moont­lik om te weet pre­sies hoe­veel ko­los­trum sy per voe­ding in­kry. Dui­de­li­ke te­kens dat jou baba goed voed, is die uit­skei­ding van me­ko­ni­um – ’n taai, swart stof, ge­volg deur ’n ge­le­ri­ge of mos­terd­kleu­ri­ge stoel­gang ná ’n dag of wat.

EER­STE VOL­WAS­SE MELK

Teen die der­de of vier­de dag kan jy ag­ter­kom dat jou borste vol­ler of swaar­der voel. Dit is ge­woon­lik ’n aan­dui­ding dat die reg­te melk be­sig is om in te kom. Jou melk ver­an­der van ko­los­trum na oor­gangs­melk, of­te­wel van ’n ge­le­ri­ge, room­kleu­ri­ge vloei­stof na ’n dik­ker, wit­ter vloei­stof.

Dis ’n goeie plan om aan te hou bors­voed of el­ke twee tot drie uur uit te melk om melk­pro­duk­sie te sti­mu­leer en bors­stu­wing, wat baie seer kan wees, te voor­kom.

Newspapers in Afrikaans

Newspapers from South Africa

© PressReader. All rights reserved.