Mam­ma, hoe doen jy dit?

Be­won­der jy ma’s wat ’n huis­hou­ding, be­roep en be­si­ge kin­der­tjies son­der e­ni­ge dra­ma han­teer én boon­op flo­reer? Vyf won­der­vroue deel hul ge­hei­me.

Baba & Kleuter - - INHOUD - DEUR YOLANDI JORDAAN

SPEEL OOP KAARTE MET JOU WERKGEWER, WEES GAAF MET JOU­SELF Ro­byn La­wrenson (30) van E­den­va­le in Jo­han­nes­burg is die en­kel­ma van I­mo­gen (5) en werk bui­te die huis.

“Ek het ’n lys met be­lang­ri­ke te­le­foon- nom­mers (am­bu­lans, po­li­sie en blits­pa­trol­lie) op my ys­kas in­ge­val daar ’n kri­sis ont­staan en ek koel­kop moet bly om dit te han­teer. Ek het ook vir I­mo­gen ge­leer hoe om die snel ska­kel­funk­sie op my sel­foon te ge­bruik en om ons huis­deur oop te sluit en om hulp te roep as ek dit om die een of an­der re­de nie kan doen nie.

“Ek is nie te kwaai met my­self as ek nie al­tyd kon­se­kwent is nie. As my dog­ter­tjie op die bank spring en dit ga­te uit ge­niet, ver­my ek die frus­tra­sie daar­van om oor en oor vir haar te vra om op te hou. Soms is dit be­lang­ri­ker dat sy net pret het as dat ek al­tyd die baas is.

“Be­plan­ning is nood­saak­lik, dus hou ek my og­gen­de so stres­vry moont­lik deur ons al­bei se kle­re en sak­ke die aand voor­af reg te sit en ha­re te was.

“Speel oop kaarte met jou werkgewer oor jou tuis­si­tu­a­sie, ver­voer en hoe jy jou kind groot­maak. Dis be­lang­rik dat jou werkgewer jou le­we weg van die werk ver­staan so­dat hy of sy op kan­toor die beste uit jou kan haal.

“Ek ta­kel huis­ta­kies el­ke dag. ’n Ne­tjie­se huis is ’n weer­spie­ë­ling van ’n or­de­li­ke ver­stand. En son­der ’n huis­hulp kan my huis nog­al vin­nig slor­dig raak!

“As ek nie op my beste voel nie, sê ek ‘mak­si­mum in­span­ning’ voor ’n op­drag. Dit help om din­ge vin­nig ge­doen te kry en gee my ’n hup­stoot.

“Ek be­skou die al­leen­tyd saam met my dog­ter­tjie as die groot­ste ge­skenk en be­derf en lief­koos haar ge­reeld. Ek kyk haar el­ke dag in die oë en sê ek is lief vir haar en dat sy dap­per en be­lang­rik is.”

SORG VIR JOU­SELF OM VIR JOU GE­SIN TE KAN SORG

Sa­ra- Lea van Ee­den (33) van E­den­vil­le in die Vry­staat is ma van Lia (3) en be­sit haar eie onderneming. “Ek pro­beer om din­ge wat el­ke dag moet ge­beur soos bad, saam in die kar ry en kos maak spesiale tye saam met Lia maak. Ver­al op ’n Sa­ter­dag bad ons saam en was ek haar ha­re. Sy maak vir my ‘tee’ en ons speel lek­ker in die skuim. In die kar sit ek die ‘vler­ke’ aan (nood flik­ker­lig­te) en ons ver­beel ons ons vlieg. My man, Pier­re, het ge­dink ek jaag ver­skrik­lik met Lia in die kar toe sy tuis kom en hom ver­tel ons het ge­vlieg! Sy sit ook ge­woon­lik by my wan­neer ek kos maak en ge­niet dit om met die spe­se­rye te speel. Ons ruik en proe dan aan al­les en leer die na­me.

“Ek maak tyd vir my ook en doen dan waar­van ek hou. Ek pro­beer om nie skul­dig daar­oor te voel nie! Jy kan nie uit ’n leë be­ker skink nie… As jy uit­ge­brand is, hou dit geen voor­deel vir ’n hu­we­lik of kin­ders in nie. As jy jou nie ver­sorg nie, gaan jy dit ook nie vir jou ge­sin kan doen nie.”

NÁ WERK IS EK NET HUL­LE S’N

Le­an­ne S­choe­man (34) van Cen­tu­ri­on is ma van T­ho­mas (6) en Kla­ra (3) en werk bui­te die huis. “Ek pro­beer om ge­jaag­de og­gen­de so glad moont­lik te laat ver­loop deur so­veel as moont­lik die vo­ri­ge aand te doen. Jy kan baie tyd wen deur brood­jies te pak, kle­re uit te sit en ont­byt reg te sit die aand voor jy gaan slaap. Goeie raad is om die paar uur na­dat jy by die huis aan­ge­kom het vol­ko­me met jou kin­ders deur te bring. Ek eet saam met hul­le, ons speel saam en lees ook voor slaap­tyd saam.”

KOESTER EL­KE KOSBARE OOM­BLIK

An­ne­lie Laub­scher (30) van Jo­han­nes­burg, is ma van Lea (2) en be­sit haar eie onderneming. “Om ’n wer­ken­de ma te wees kan soms baie ver­vul­lend wees en an­der dae wens ek dat ek van die werk kan ver­geet en heel­dag saam met my kind kan deur­bring en el­ke oom­blik kan ab­sor­beer.

“Ek doen moei­te om ná werk of oor ’n na­week iets spe­si­aals saam met Lea te doen. Dis ook vir my be­lang­rik om ge­hal­te­tyd saam met haar deur te bring. Pro­beer om nie vas­ge­vang te raak in die ge­jaag van die al­le­daag­se roe­ti­ne nie.

“Ek her­in­ner my ge­reeld daar­aan dat deur te werk, ek ’n in­kom­ste ver­dien en dat ek daar­deur my kind in staat stel om meer van die lek­ker din­ge van die le­we te ge­niet.”

DAAR IS NIE IETS SOOS ’N PER­FEK­TE MA NIE

Sa­ri­ta Lie­ben­berg (44) van Jo­han­nes­burg is ’n advokaat en ma van Niel (8) en Ca­ra (4). “Ek het vin­nig ge­leer daar be­staan nie iets soos die per­fek­te ma nie. Al wat jy kan wees, is goed ge­noeg in jou om­stan­dig­he­de.

“Dit is ook wys om vre­de te maak met die skuld­ge­voel wat op jou skou­ers kom sit die oom­blik wan­neer jou ly­fie sy eer­ste a­sem­teug neem.

“Ek steek daag­liks my trots in my sak en maak staat op die hulp, by­stand en on­der­steu­ning van men­se in my kin­ders se le­we wat vir hul­le be­lang­rik is. Dit help my ge­wel­dig baie en ek voel ek gun my kin­ders die ge­leent­heid om spesiale ban­de met hier­die be­lang­ri­ke men­se te bou. Dit is ook be­lang­rik om my kin­ders se ak­ti­wi­tei­te by te woon en dit doen ek deur af­spra­ke in my dag­boek te skryf. Dit is moei­lik om al­les by te woon, maar ek sorg dat ek da­rem met ’n paar wed­stry­de in ’n sei­soen langs die veld staan.

“Eie tyd is on­on­der­han­del­baar vir self­be­houd en dit is heel aan­vaar­baar om nee te sê – vir werk, vir jou kind, vir jou­self. Ek kry my eie tyd wan­neer my kin­ders din­ge saam met hul pa doen.

“Ek pro­beer om saans net voor ek in die bed klim, my kin­ders te soen en te weet dat ek van­dag goed ge­noeg was.”

Ro­byn en I­mo­gen.

An­ne­lie en klein Lea.

Sa­ri­ta, Ca­ra (links) en Niel.

Le­an­ne, Kla­ra (links) en T­ho­mas.

Sa­ra- Lea en Lia.

Newspapers in Afrikaans

Newspapers from South Africa

© PressReader. All rights reserved.