LEEG: GODS E TROOS NA SWANGERSKAP VERLIES OF MISKRAAM
deur Marlena du Toit, Braam Klopper en Justine Pike is ’n boek wat jou kan ondersteun as jy ’n miskraam of doodgeboorte beleef het.
Die eerste deel is geskryf deur dr. Marlena du Toit, ’n ginekoloog. Sy verduidelik die mediese feite oor miskrame en doodgeboortes en raak onderwerpe aan soos die oorsake van swangerskap s verlies, behandelings opsies, statistiek, versorging ná jou verliese n voorkoming.
Pastoor Justine Pike deel haar verhaal en die emosies wat sy beleef het. Sy verduidelik wat haar gehelp het om die verlies beter te hanteer.
Ds. Braam Klopper verduidelik in die derde deel meer oor die rouproses en die begrafnis of roudiens. Hy help met geloofsvrae wat ná so ’n ervaring by ’n mens kan spook.
Die boek sluit ook ervarings van ander vroue in en bevat ’n lys van groepe en organisasies waar ’n mens hulp kan kry.
R170, Lux Verbi. Nog inligting by nb.co.za.