WAT VAN SNAGS?

Baba & Kleuter - - JOU PEUTER -

Baie kin­ders is al maan­de (soms ’n jaar of twee) lank be­dags droog, maar kry nog glip­sies in die nag. Dis heel­te­mal nor­maal om­dat die mees­te kin­ders se blaas nog nie ge­noeg ont­wik­kel het om al die vloei­stof ’n he­le nag lank bin­ne te hou nie.

Jy sal met­ter­tyd begin ag­ter­kom dat sy soms sog­gens met ’n droë doek wak­ker word. Wan­neer sy ’n paar og­gen­de ná me­kaar droog wak­ker word, kan jy daar­aan begin dink om die nag­doek te los. Seun­tjies het ge­woon­lik meer tyd no­dig om snags son­der ’n doek te slaap as dog­ter­tjies.

Be­perk vloei­stof­in­na­me voor sy gaan slaap, maar moet haar nie dors of on­ge­mak­lik laat gaan slaap nie. Neem haar vir ’n laas­te pieps voor sy gaan slaap en as jy wil kan jy haar selfs weer neem voor jý gaan slaap – hoe­wel par­ty ken­ners meen dis be­ter om ’n kind te leer om on­on­der­bro­ke te slaap son­der om ’n draai te gaan loop.

Aan­vaar dat daar selfs ’n paar jaar lank nog glip­sies in die nag gaan wees. Skaf ’n or­dent­li­ke waterdigte la­ken aan om die ma­tras te be­skerm en moe­nie met haar raas as sy ’n glip­sie ge­had het nie.

Laat ’n nag­lig in die ka­mer aan so­dat sy snags son­der vrees kan op­staan as sy wil gaan pie­pie.

Newspapers in Afrikaans

Newspapers from South Africa

© PressReader. All rights reserved.