WIN­TER-AK­SIE SATISFAKSIE

Baba & Kleuter - - REDAKTEURSBRIEF -

As daar nou een ding is wat ek by my Duit­se man ge­leer het, is dit dat koue weer nie ’n verskoning is om bin­ne weg te kruip nie. As jy or­dent­li­ke skoe­ne en ’n lek­ker baad­jie aan het, is ’n Suid-A­fri­kaan­se win­ter wrag­gies niks om voor te skrik nie. Die skon skyn am­per el­ke dag, al is dit maar flou­e­rig, en ’n uit­stap­pie in die na­tuur vroeg­mid­dag is be­ter as e­ni­ge me­di­sy­ne. Die he­le ge­sin se ge­moed word so ge­lig, en dis boon­op ge­sond: Die oe­fe­ning sti­mu­leer jou im­muun­stel­sel, dit wak­ker jou ap­tyt aan en laat jou ook be­ter slaap as jy da­rem in die dag die son ge­sien het. Koue maak jou nie siek nie – dis kie­me wat dit doen. Gaan lees maar ons win­ter­ge­sond­heid­dos­sier wat op bl. 61 be­gin om ver­der uit te vind hoe jy jou ge­sin kan be­skerm en be­han­del.

Ek het twee tie­ners wat eint­lik net heel na­week en heel va­kan­sie lank wil slaap en in die bed lê. Ty­dens die skool­kwar­taal neem hul­le wel aan s­port deel, maar ons het nou ’n va­kan­sie­re­ël ook in­ge­stel: Ons moet el­ke dag tyd bui­te deur­bring en die son sien, en ons moet el­ke dag sweet. Sog­gens be­spreek ons gou waar en hoe ons dit gaan in­pas. On­danks hul dra­ma­tie­se pro­tes daar­teen be­gin hul­le bin­ne vyf die uit­stap­pie ge­niet, of ons nou in die park gaan stap of om die blok.

Wan­neer dit reg­tig te tries­tig is, is dit pret om ’n in­ter-ge­sin-kom­pe­ti­sie te hou. Kyk by­voor­beeld wie die lank­ste ’n plank­staan kan hou, of doen hand­sta­ne teen die muur, of daag me­kaar uit om groot strek­ke te oe­fen of ba­lans-toer­tjies te doen. Dit maak ’n mens baie gou warm. My twee hou ook daar­van om mu­siek op te sit en te dans. Al hier­die din­ge val ook so reg in ’n kleu­ter se kraal en kleu­ters sal nie dra­ma­ties pro­tes aan­te­ken nie.

’n Ba­ba is ook nie ’n verskoning om die heel­tyd bin­ne te bly nie. Kyk bie­tjie op bl. 44 na die dra­sak­ke wat jou en ba­ba kan help om snoe­sig te wees ter­wyl jul­le bui­te rond­loop.

En die laas­te ge­heim vir ’n goeie win­ter? Maak se­ker jul­le i­nen­tings is op da­tum. Ant­woor­de op kwel­vrae oor in­en­ting is op bl. 52 te kry.

En vir ’n warm hart? Druk jou kin­ders styf vas. Dis nie net lek­ker nie, dit laat jou ba­ba se brein op­ti­maal groei ook.

Groe­te tot vol­gen­de maand,

Newspapers in Afrikaans

Newspapers from South Africa

© PressReader. All rights reserved.