TANDSORG-VRAE
WANNEER MOET ONS BORSEL? Sodra jou baba se eerste tandjie verskyn, behoort jy dit twee keer per dag te borsel, verkieslik met ’n spesiale baba-tandeborseltjie.
WAARMEE MOET EK BORSEL? Xilitol-jel (soos Xgel), fluoriedvrye of spesiale babatandepasta. Baie dokters sê normale fluoriedtandepasta is ook veilig, solank jy net ryskorrelgrootte- stukkies gebruik.
WANNEER IS FLUORIED NODIG? Tot op ses maande behoort jou baba geen fluoriedaanvulling te kry nie, maar daarna kan jy ekstra fluoried gee indien daar min fluoried in jul water is. Vind by jou tandarts uit wat die fluoriedinhoud van die water in jou omgewing is, want te veel fluoried kan ook die tande skaad.