HANDVOET- ENMONDSIEKTE
My seuntjie van twee jaar het rooi kolletjies op sy hande. Hoe weet ek of dit hand-voet- en-mondsiekte is? Vir watter simptome moet ek op die uitkyk wees, hoe aansteeklik is dit en is dit gevaarlik?
DR. MARETHA COMBRINK ANTWOORD:
Hand-voet- enmondsiekte is ’n algemene virusinfeksie by kinders onder vyf jaar. Die algemeenste oorsake is die Coxsackieen enterovirus.
Simptome begin drie tot ses dae ná blootstelling en sluit in koors, naarheid en braking, asook moegheid of prikkelbaarheid. Dit word gevolg deur ’n veluitslag om die mond, op die handpalms en voetsole en soms ook in die luierarea en op die geslagsdele.
Die uitslag begin gewoonlik as plat, rooi kolletjies of knoppies wat toeneem en blasies word. Dis meestal selfbeperkend en verdwyn binne sewe tot 10 dae. Die diagnose word gemaak op grond van die uitslag en simptome en bykomende toetse is selde nodig.
Die siekte word oorgedra wanneer kinders in regstreekse aanraking kom met uitgeskeide stowwe soos speeksel of slym, met stoelgang, of met besmette oppervlaktes soos doekruiloppervlaktes. Dis meer algemeen by kleuters wat dagsorg of kleuterskole bywoon. Voorkomende maatreëls sluit in goeie handhigiëne en die ontsmetting van hoërisiko- oppervlaktes.
Komplikasies van hand-voet- en-mond siekte is seldsaam, maar kan die volgende insluit: • DEHIDRASIE – want pynlike mondletsels kan voeding moeilik maak
• ENKEFALITIS – ontsteking van die brein – of MENINGO- ENKEFALITIS – ontsteking van die brein en breinvliese • MIOKARDITIS – ontsteking van die hartspier • TYDELIKE VERLIES VAN VINGERNAELS of toonnaels Behandeling is hoofsaaklik op die verligting van simptome gemik en sluit pynverligting en genoeg vloeistof in. Raadpleeg die dokter as jou baba buitengewoon prikkelbaar is of sukkel om te drink.