Bepalings en voorwaardes vir Baba & Kleuter- Voorbladbabakompetisie en Your Baby Cover Baby Competition
1. Inskrywings vir die kompetisie is geldig van 19
November 2018 tot 1 Maart 2019. Geen laat inskrywings word aanvaar nie. 2. Deur in te skryf, stem jy in om gebonde te bly aan die bepalings en voorwaardes van die
kompetisie. 3. Deelnemers moet die ouer of wettige voog van die ingeskryfde kind wees. Media24 behou die reg voor om bewyse van die verwantskap aan te vra. As dit bewys is dat daar geen verwantskap is tussen die kind en die persoon wat die foto gestuur het nie, gee die persoon vrywaring aan Media24 teen enige eis van ’n derde party indien die kind as ’n finalis gekies word. 4. Jy mag vir albei kompetisies inskryf van die twee sustertydskrifte, Your Baby en Baba & Kleuter. 5. Slegs e-pos-inskrywings word aanvaar. Inskrywings per faks, geregistreerde pos, gewone pos of deur sosiale media of enige ander metode as ’n e-pos na die spesifieke e-pos-adresse wat onder genoem word, sal gediskwalifiseer word. 6. Om in te skryf moet ’n ouer of wettige voog ’n e-pos stuur na coverbaby2019@ yourbaby.
co. za of voorbladbaba2019@babaenkleuter.co. za en ’n foto van hul kind insluit. Die foto mag nie groter as 4MB wees nie. Slegs JPG- en GIF-formate word aanvaar. Sluit ook jou kind se volle naam, geboortedatum en waar julle vandaan kom in, asook jou kontakbesonderhede.
7. Foto’s wat ingeskryf word, moet onlangs wees en binne die laaste maand geneem gewees het. 8. Deur in te skryf, stem jy in dat die beelde in Your Baby, Baba & Kleuter en Your Pregnancy mag
verskyn, asook op ons sosialemedia-platforms. 9. Tweelinge en drielinge of ander meerlinge of broers en susters moet apart ingeskryf word. 10. Die kind mag nie ouer as 48 maande wees op die sluitingsdatum van die kompetisie nie: 1
Maart 2019. 11. Alle kwalifiserende deelnemers in die Republiek van Suid-Afrika, Botswana, Namibië, Lesotho,
Swaziland en Zambië mag aan die kompetisie deelneem. 12. Jy mag nie deelneem aan die kompetisie as jy ’n direkteur, lid, medewerker, werknemer, agent
of konsultant is van Media24 of ’n direkte familielid van enige van dié persone nie. 13. ’n Paneel van beoordelaars sal 24 finaliste kies vir Your Baby en 24 finaliste vir Baba & Kleuter oor die duur van die kompetisietydperk; dus altesaam 48 finaliste. Die finaliste se foto’s sal gepubliseer word in die Mei & Junie 2019-uitgawe van Your Baby en die April & Mei 2019-uitgawe van Baba & Kleuter. Daar sal met die finaliste in verbinding getree word voor die tydskrifte op die rak verskyn. 14. Een wenner word gekies vir die Julie & Augustus 2019-uitgawe van Your Baby en ’n ander
wenner word gekies vir die Junie & Julie 2019-uitgawe van Baba & Kleuter. 15. Die beoordelaars se besluit is finaal en geen korrespondensie sal daaroor gevoer word nie. 16. Die wenner sal kort voor die dag van die voorbladfotosessie gekontak word om reëlings vir die fotosessie te tref. Indien die organiseerders die gekose deelnemer ná drie probeerslae nie kan bereik nie, sal ’n ander wenner gekies word. 17. Van die wenner word verwag om die fotosessie by te woon op ’n tyd en plek wat deur die redakteur bepaal word. As die wenner nie die fotosessie kan bywoon nie, weens siekte of weens enige ander rede, sal die inskrywing gediskwalifiseer word en ’n ander wenner sal gekies word. Die pryse gaan aan die wenner wat op die voorblad verskyn. 18. Die wenner se ouer of wettige voog sal ’n vertroulikheidsooreenkoms moet onderteken om die fotosessie en al die besonderhede oor die wen van die kompetisie vertroulik te hou tot op ’n datum waaroor daar ooreengekom sal word, wat sal wees wanneer die tydskrif op die rak te koop is. Kontrakbreuk sal daartoe lei dat die pryse verbeur word en wetlike stappe gedoen kan word. 19. Alle foto’s wat tydens die voorbladfotosessie geneem word, bly die besit van Media24, hoewel die foto’s aan die wenner se ouer of wettige voog beskikbaar gestel sal word vir privaat gebruik nadat die uitgawe met die wenner op die voorblad op die rak verskyn het. 20. Kompetisiepryse met ’n algehele waarde van R15 000 per tydskrif/wenner word as volg geborg: • R5 000 van Baby City • R5 000 van Genop (Epi-max) • R5 000 van Calpol
Besonderhede oor wat die pryse presies behels is op bl. 8 en 9 van Baba & Kleuter te kry.
21. REDES VIR DISKWALIFIKASIE:
Inskrywings sal onmiddellik en sonder kennisgewing aan die ouer of voog gediskwalifiseer word indien enige van die volgende gebeur: a. Vals inligting oor die inskrywing voorgelê word. b. Die foto van die kind wat voorsien word, nie ’n ware weerspieëling van die kind is nie. c. Die foto naaktheid of onvanpaste gedrag uitbeeld wat nie strook met Media24 se waardes nie. 22. Media24 en hul afleweringsagente aanvaar geen verantwoordelikheid of aanspreeklikheid vir enige verlies of skade en ook geen verantwoordelikheid of aanspreeklikheid vir enige koste of fooie wat spruit uit die ontvang, gebruik of aanwending van enige van die pryse wat in dié kompetisie gewen word nie. 23. Media24 behou die reg voor om die kompetisie en pryse of enige aspek daarvan te verander, op te skort, uit te stel of te kanselleer, om enige rede en sonder kennisgewing. In so ’n geval doen jy afstand van jou regte of die verwagtinge wat jy teenoor Media24 kan hê en bevestig jy dat jy geen regres of eis van enige aard teen Media24 het nie. 24. Deur deel te neem aan dié kompetisie, stem jy in dat Media24 en die drie borge jou persoonlike inligting mag gebruik om inligting oor produkte, dienste en spesiale aanbiedings wat jou kan interesseer of van waarde kan wees aan jou te stuur. 25. Pryse kan nie vir kontant geruil word nie.