SPAN SWAARTEKRAG IN
Wat het kinders met leerprobleme en ruimtevaarders in gemeen? Vind uit in Gravity, a Missing Link in Child Develop
ment deur dr. Melodie de Jager, dr. Oleg Efimov en Victoria Efimova (Mind Moves Institute Publishing, 2020).
Dis ’n praktiese gids vir ouers, onderwysers, mediese personeel, terapeute en almal wat kinders wil help om hul volle potensiaal te verwesenlik.
Die verband tussen swaartekrag en kinders se fisieke, verstandelike, emosionele en sosiale ontwikkeling word in die boek belig. Omdat swaartekrag oral op aarde ’n gegewe is, word die rol daarvan maklik misgekyk. Dié besef het by die skrywers van die boek – ’n ontwikkelingspesialis, ’n neuroloog en ’n spraakterapeut – posgevat in die meer as 30 jaar wat elk van hulle reeds met kinders werk. Op twee verskillende vastelande, selfs met uiteenlopende werkswyses, het die twee Russe en ons plaaslike Melodie tot dieselfde gevolgtrekking gekom: As kinders se verhouding met swaartekrag verbeter, kan talle leeren gedragsprobleme opgelos word.
Die plek in die liggaam waar swaartekrag en kognitiewe prosesse bymekaarkom, is die vestibulêre stelsel. Hierdie stelsel ontwikkel deur beweging téén die aantrekkingskrag van die aarde. Indien dit onvoldoende is, benadeel dit ’n kind se algehele ontwikkeling.
Wat moet hierdie kinders doen? Speel! Hulle moet aangespoor word tot spesifieke bewegings, wat tradisionele speletjies insluit. Nie-indringende masseertegnieke kan ook ingespan word om ’n kind makliker te laat lees en skryf.
Kry die boek by mindmoves.co.za/shop/ teen R305.