Ugilwe amaphoyisa
Usola amaphoyisa ngokugoloza ukumkhokhela emuva kokuwenzela umsebenzi ngokuvumelana nawo. Usesonga ngokufaka udaba kwabomthetho.
UNdunankulu wakwaZuluNatal, uMnu uSihle Zikalala, uthi isifundazwe sibhekene nokubhebhetheka kokhuvethe ngakho-ke sekubiza sekubiza ukuthi abantu balandele imiyalelo.
Selokhu kuqubuke ukhuvethe eNingizimu Afrika, uHulumeni usezame imizamo eminingi ukulwisana nalo. Njengeminye yemizamo yokulwisana nokhuvethe uHulumeni waKwaZulu-Natal ngeSonto uvule ngokusemthethweni isibhedlela eRoyal Showgrounds, Mgungundlovu, sokugcina labo asebehaqwe ukhuvethe. Indawo okwakhiwe kuyo lesi sibhedlela ngeyokungcebeleka futhi yilapho abanye bebeka izinto abazikhangisayo ngezikhathi ezithize nokho lokhu ngeke kube namthelela ongako ngoba kulesi sikhathi samanje ayikho imcimbi esingathwayo kulo lonke izwe. Eminye yemicimbi ejwayele ukubanjwa kule kuba ngowomgubho wokuzalwa koKhozi FM ngoNhlangulana Jazz ngoNcwaba.
ITheku lilokhu liyisidleke soKhuvethe kwisifundazwe iKwaZulu Natal, silandelwa isifunda iLembe kuyimanxa kuba uMgungundlovu. Izifunda uThukela, Ugu, King cetshwayo, uMkhanyakude, Amajuba, uMzinyathi, iZululand kanye neHerry Gwala zona zisasalele ngemuva ngezibalo eziphezulu, kodwa abantu abahaqwe uKhuvethe bakhona kuzo zonke izifunda.
Lesi sibhedlela sinemibhede engama-254, uNdunankulu uZikalala uthe lesi sibhedlela sizokwamukela abantu abaphuma kwizifunda ezintathu, uMgungundlovu, iHerry Gwala kanye noThukela. Esinye isibhedlela esinjengalesi uthe sizokwakhiwa eDurban Exhibition Centre. “Lesi sibhedlela sizogcina labo asebehaqwe ilesifo, siphinde sigcine labo abasalinde imiphumela yabo ngenxa yokuthi banezimpawu zokuhaqwa ilesifo,” kusho uZikalala.
Ngokuvulwa kwalesi sibhedlela njengoba kuthiwa sizokwamukela abantu abaphuma kulezi zifunda ezintathu okungu Mgungundlovu, iHerry Gwala kanye noThukela lokhu kusho ukuthi ngaphansi koMgungundlovu kuzoba abantu base Msunduzi, uMshwathi, uMngeni, iRichmond, uMkhambathi, iMpofana kanye neMpendle. Bese ngaphansi kweHerry Gwala kube iDr Nkosazana Dlamini Zuma obekunguMaspala owaziwa nge-Ingwe kanye neKwasani ngaphambi kokhetho lukaHulumeni basekhaya ngowezi-2017, kube uBuhlebezwe, uMzimkhulu kanye neGreater Kokstad. Bese ngaphansi kweSifunda uThukela i-Alfreid Duma, Inkosi Langalibalele kanye noKhahlamba.
UZikalala ukuthi isifundazwe sinemibhede ebalelwa ezi-7 111 ngokulungisa izibhedlela ezikhona, kanye nalezo zibhedlela ezakhiwe manje njengoba sekulwiswanwa nalesi sifo. Phakathi kwezinye izibhedlela ezilungisiwe iClairwood, iWentworth, iRichmond iDundee kanye neNiemeyer. Uphinde waveza ukuthi uMnyango Wezempilo usuphinde wavumelana nabamahhotela, ama-BnB ukuthi bahlinzeke ngemibhede eyizi--4000 uma kunesdingo. Uqhube ngokuthi uMnyango usabheke ukuqasha abahlengikazi abayizi-8 893 abaneziqu. Ezinye izisebenzi eziqashiwe ngonobhala.
Ngenkathi kunomcimbi wokuvula lendawo uNdunankulu wathi kuyabakhathaza bewuHulumeni ukutheleleka kwezisebenzi zikaHulumeni ngokhuvetho. NgeSonto izisebenzi zezempilo asebethelelekile bebengama-358 kuthi othisha babeli-15. UNdunankulu waphinda waveza ukuthi uMnyango Wezempilo usuhlole abantu abayizigidi eziyis-6 athi lokho okubalelwa kungxenye yabantu bakulesi sifundazwe asiholayo
UKhuzeni uthe ngaphansi kohlelo abanalo lokulandelela labo abathe bathintana nalabo osekuqinisekisiwe ukuthi banokhuvethe, abayizi-11 059 abangama-4,2% sekuqinisekisiwe ukuthi banokhuvethe. “Manje sesibhekene nakho ngqo ukubhebhetheka kokhuvethe lokhu kubiza ukuthi umuntu nomuntu alwe nalo ahloniphe imiyalelo ebekwe uHulumeni ukunqanda ukuthi umuntu atheleleke,” kusho uNdunankulu uZikalala.