KwaboHlanga izwe nomhlab
Sekukaningi ngizwa abantu bephikisana ngendawo yowesifazane. Babodwa abathi indawo yakhe iseziko nasekukhiqizeni izingane. Ngakolunye uhlangothi bakhona abathi empeleni uyalingana nowesilisa. Lena yinkulumompikiswano edingekayo nokho okumqoka yikuthi abakhulumayo baqala ngakuphi. Kukhona ukuyibuka ngeso lasentshonalanga kukhona ukuyibuka ngosikonkolo nangosikompilo lwaboHlanga. Mina ngikhetha le ndlela yesibili.
Endulo babekhona abesifazane futhi kukholelwa ekuthini nguye omkhulu. Leli lobukhulu akukhona lokhu okubekwa ngabasentshonalanga, ngobukhulu asisho ubungcono kepha sisho ubumqoka nakhona hhayi ngokuncintisana. Abadala ekutheni mkhulu yingoba babe qaphela indlela umhlaba owakheke ngayo nomusa wakho konke. Lokhu kwabe kuncike ezifundweni zempilo kanye nenkolosiko njengoba ngike ngasho.
Abadala babezifundisa ngomhlaba nendlela omi ngakhona. Bebuka ukuthi umhlaba wokuqala esifikela kuwona uba yindingiliza. Umhlaba nawo uyindingiliza. Nomthetho womhlaba uthi yonke into iyazungeza. Befunda nokuthi amandla uma ngabe uwaphosa isikokeleni abanesisindo. Bethatha ukubuka owesifazane nemvelo, isihlahla siyingxenye yezinto ababe bukela kuzo kanye nolwandle, isibhakabhaka nomfula.
Isihlahla
Izihlahla kwaziwa ukuthi zafika ngelanga lesithathu emhlabeni. ONgabonwayo ehlukanisa umhlabathi nolwandle.
Kwathelwa umhlabathi, kwatshalwa izihlahla nezitshalo. Kunezi nhlobo ezimbili zesihlahla. Kukhona esikhiqiza izimbali nesikhiqizi amahlamvu kuphela. Isihlahla sikhiqiza ubulili bobubili (obesilisa nobesifazane). Umoya nezilwanyakazane zisusa impova esihlahleni sesilisa sisithwala sisibeka esihlahleni sesifazane. Isihlahla sidonsa amanzi ngezimpande zaso, sizigeze ngelanga. Sidedele ilanga lisikhulise. Isihlahla sipha inzalo kaNtu umoya abawuphefumulayo.
Ubudlelwane besihlahla nenzalo kaNtu
Njengaso isihlahla owesifazane upha impilo emhlabeni. Inzalo kaNtu iyisifanekiso sesihlahla. Isifanekiso sokuqala imithambo egijima igazi. Imithambo ebalulekile eyengqondo nehlinziyo. Ithutha igazi lisabalale ngendlela ehlelekile emzimbeni. Imithambo yethu ifana nezimpande zesihlahla. Izinwele zethu zikhula zibheke elangeni njengamahlamvu esihlahla. Isikhumba sethu sinsundu njengesihlahla. Iphethini yesikhumba sethu ifana nesiqu sesihlahla.
Njengesihlahla uma udinga umthunzi nendawo yokuphumula siyakusingatha. Nomuntu uma edinga ukuphumula uyakuthola komama. Owesifazane uyazitshala emhlabeni. Uma ezintabeni ezingcwele. Uthando lwakhe lwakha izizwe. Ubuhlakani bakhe buphefumula impilo kumuntu. Konke okuyi mpilo kunguye. Imicabango yakhe exhumene nobukhulu bakhe ifeza izifiso zezizukulwane. Amagama akhe atshalwe eqinisweni. Amehlo akhe abona okungabonwayo. Uma ungasusa zonke Izihlahla kungaphela umthombo womoya emhlabeni. Uma ungasusa abesifazane kungaphela impilo. Owesifazane uyimpilo.
Ulwandle
Ulwandle lwakhiwa ngosuku lesibili emhlabeni. Ulwandle isimo sokuqala sempilo emhlabeni. Ulwandle liwumfanekiso wesiphithiphithi esithuli esingaqondeki esingalawuleki kodwa esikhululekile. Ulwandle lunika inzalo kaNtu, umoya, imvula, amafu nemifula esinika amanzi.
Njengolwandle owesifazane uyisiphithiphithi esithuli. Uthando lwakhe luyashelela luza kalula kuyena ngoba lungangolwandle. Njengolwandle