Ba kungowesifazane
luyisibuko sesibhakabhaka, owesifazane uyisibo sakho konke okuyimpilo. Engashongo lutho uthola ukuthula nempilo kuye. Amazwi akhe ayathelelana. Ayageleza, uma efika ezindlebeni zakho athinta uqobo lwakho. Konke akwenzyo kunesigqi.
Umfula
Umfula isimo samanzi ageleza esuka ezintabeni. Lokho kungenzeka ngoba amanzi aphuma ngaphansi komhlaba noma entabeni. Umfula uchithekela olwandle. Umfula uthule umfula ukhulisa izitshalo ezisesiswini somhlaba. Umfula ungabanzi eminye ishone phansi okuchaza ukuthi isuka kude.
Owesifazane unolwazi olugelezayo. Umfula womuntu wesifazane yimicabango nabantwana bakhe. Njengomfula imicabango yomuntu wesifazane itshalwe ekuthuleni. Ithule, kodwa uma kunesimo esingajwayelekile iyagijima kudidiseke isigqi sayo. Imicabango yakhe ibanzi, ijulile. Ngisho angadlula kunoma yini, uyakwazi ukuphuma necebo lokuphumelela. Ngoba kuyimvelo kuye. Akusuki kude kuyena ngoba uqobo lwakhe luyimvelo.
Owesifazane uyimpilo, ungumthombo wempilo. Owesifazane uyinzalo kaNtu, uyinzala bantu usezale izizwe nezizwe eqhubezela umsebenzi womkhulu. Indlela acabanga ngayo isingungile, indlela enza ngayo izinto iphambi kwethu. Umakhe wethu singabaNtu uzakhe kuthina sonke wase wanika owesifazane amandla okusheshe akwazi ukuxhumana naye ngoba bayinto efanayo. Abadingi ukuya kude ukuze bezothola iqiniso lomhlaba. Wonke umuNtu uzalwa noMkhulu. Vusa ubukhulu bakho. Noma ungaba owesilisa, vusa indlela yokucabanga njengomama. Vusa indlela yokubona impilo njengowesifazane. Ukuvusa lokho akukwenzi ube owesilisa ongaphansi kwabanyi. Kukwenza umuntu othole iqiniso ngomhlaba nangabantu. Asingahambi singabaza amandla esinkwa wona emhlabeni.
Ziningi izikhala azigcwalisayo umuntu wesifazane. Lezi engizibalile ezakhe ngokwemvelo. Ezingcwele ezingathengwa. Isikhala esaziwayo kakhulu esokuba ngumama nonkosikazi.
Uba kanjani ngumfazi, isihloko esichaza ukuthini leso? Indima ayidlalayo ithini?
Ufika kanjani kuleso sigaba engazinikanga isikhathi sokuzithola emhlabeni owakhelwe yena. Engakaziboni emhlabeni.
Engakaxhumani nobukhulu bakhe, engakawaboni amandla anawo. Ake sifunde ukuzikala kahle ukuze singeke sifune ukukalwa abantu abangasazi siphumaphi. Isifundo sanamuhla sithi Nzalabantu zifune. Uma uphuma emnyango uyazibona. Amandla akho uwabona ngabantu abahamba emnyango. Nguwe oletha impilo. Nguwe impilo. Phakama ubone ubukhulu bakho. Uthole indima yakho emhlabeni. Ubaluleki ngoba ungena kuzozonke izikhala zemvelo uphinde ugcwalise isihloko sokuba umuntu
Thola isigqi sakho ugijime naso uye ekukhanyeni. Thokoza.