OweComrades uhloniphe uMntwana waKwaPhindangene
Ngithintekile ngesinqumo somsubathi weComrades u-Elijah Mantshi sokuhlonipha UMntwana uMangosuthu Buthelezi. Le nsizwa iqophe umlando ngokuhlonipha umsunguli weNkatha ngendondo yayo yeComrades.
Lo mholi ungelinye lamaqhawe alwele inkululeko yaleli lizwe kunzima. Uthathe izinqumo ezingamakhelanga udumo. Indlela ayithathile ifana ncamashi nobunzima beComrades. Kudinge ukuba abekezele abe nesineke. Ngaphezu kwakho konke akakhohlwanga lapho aphokophele khona.
Ukukhombisile ukuthi akubona bodwa osombusazwe abalwele inkululeko kepha nabantu abaningi abangasoze baqoshwe emabhukwini omlando. Ukuhlonishwa kukaShenge kuyakhombisa ukuthi baningi ababazisayo nabaziqhenyayo ngobuholi bakhe. Kuyiqiniso ukuthi indondo enkulu yileyo eqoshwe ezinhliziyweni zabantu baseNingizimu Afrika ngalokho abenzele khona. Siyabonga kumsubathi u-Elijah Mantshi wenze okungajwayelekile. Simethulela isigqoko ngesibindi sakhe ngokuhlonipha iqhwe elingenazibongo.
nguKoketso Patrick Lekoebe ePretoria