Ikhekhe Elinamaqebelengwana Kashokledi
Izithako
Inkomishi eyodwa nengxenye (1 ½) kaflawa Ithispuni elilodwa nengxenye (1 ½) kaBaking Powder Ikota (¼) yethispuni kasawoti
Ama-55g webhotela elingenasawoti, elithambile U60 ml kawoyela (ngincoma oweCanola) Inkomishi eyodwa (1) kashukela omhlophe Amaqanda amabili (2) amakhulu, angaphumi efrijini Ithispuni elilodwa nengxenye (1½) leVanilla Essence
Inkomishi eyodwa (1) yeButtermilk (ungasebenzisa ukhilimu omuncu noma ubisi
Inkomishi eyodwa (1) yamaqebelenwane kashokoledi (Chocolate Chips)
Indlelakwenza
Shisisa uhhavini ngokuwubeka ku-180°C
Lungisa ipani lesinkwa ngokulifaka iphepha lokubhaka okanye ulifafaze ngeNon-Stick Spray
Endishini enkulu ngokwanele, sefa uflawa, ufake ubaking powder kanye nosawoti. Hlanganisa nge whisk bese ubeka eceleni.
Kwenye indishi, faka ibhotela, uwoyela, kanye noshukela bese uhlanganisa ngomshini kagesi ngesivinini esiphezulu, cishe imizuzu emine.
Faka amaqanda kanye nevanilla essence, uqhubeke uhlanganise ngomshini, nokho wehlise isivinini.
Qulela iButtermilk, bese uhlanganisa ngokhezo olukhulu kuze kuhlangane kahle.
Thela ingxube yezithako ezimanzi kulezo ezomile bese uqhubeka uhlanganise ngokhezo. Qaqhela ukuthi ungahlanganisi ngokweqile.
Uma isihlangene ngokwanele inhlama, qulela amaqebelengwana kashokoledi, uhlanganise ngokhezo. Thela inhlama epanini lokubhaka.
Faka ipani kuhhavini, ubhake ikhekhe lakho imizuzu ephakathi kwengamashumi amane (40) nengamashumi amahlanu (50).
Ukuhlola ukuvuthwa kwekhekhe, shutheka uthi lokuvungula maphakathi nekhekhe. Uma liphuma lihlanzekile kusho ukuthi selivuthiwe. Khipha ikhekhe kuhhavini ulipholise ngokuphelele ngaphambi kokulidla.
Amasu
Uma ubona engathi liyasha phezulu ikhekhe ngengathi usalibhaka, lemboze ngeFoil. Lelikhekhe ungalifaka esitsheni esivaleka ngci, ulibeke ngaphandle okanye okanye efrijini izinsuku ezinhlanu.
Linambitheka kakhulu uma ulidla seliphole ngokuphelele leli khekhe ngenxa kashokoledi.
Ngingajabula ukuzwa ukuthi kuhamba kanjani eziko lakho. Ungangithumela i-imeyli kuszungu@nkzgroup.co.za