KWEZINYE IZINGXENYE
Usopolitiki ohlonishwayo nowayenguNdunankulu walelizwe, uSadiq al-Mahdi, ubulawe ukhuvethe ngemuva kwamasonto amathathu elaliswe esibhedlela sase-United Arab Emirates (UAE), ngokusho kwemithombo esemndenini kanye nesitatimende esikhishwe iqembu lakhe.
U-al-Mahdi (84) wabanguNdunankulu wokugcina owakhethwa ngentando yeningi kuleli lizwe, kwathi ngowe-1989 kwavukelwa umbuso wakhe okwaholela ekutheni u-Omar al-Bashir kube uyena oholayo. Iqembu i-Umma bekuyilo elithathwa njengelikhulu eliphikisayo ngesikhathi kusaphethe uBashir futhi u-al-Mahdi waqhubeka nokuba ngumuntu onamandla nohlonishwayo nangemuva kokuketulwa kwakhe. Ngenyanga edlule umndeni wakhe ubike ukuthi utholakale nokhuvethe wadluliselwa e-UAE ukuze alashwe lapho eshonele khona.
ESudan:
Sekuvele izindaba zokuthi leli lizwe lizovimba abagibeli bamabhanoyi abahlulekayo ukulandela umthetho wezwe obhekene nokulwa nokhuvethe, okuzochaza ukuthi angeke bakwazi ukundiza izinyanga eziyisithupha, lokhu kuvezwe isikhulu sakuleli lizwe. Abagibeli ababuyela kuleli lizwe njengamanje umthetho uthi kufanele bahlolelwe ukhuvethe bengakagibeli ibhanoyi baphinde bahlolwe ngemuva kwezinsuku eziyisikhombisa sebengenile kuleli lizwe. Kuyavela futhi ukuthi abagibeli kulindeleke ukuthi kube yibo abakhokhela izindleko zokuhlolwa.
UDkt uSani Aliyu, ongumxhumanisi wethimba laleli lizwe elibhekene nokhuvethe, uthe amaphesenti angama-60 abagibeli abakhokhele ukuhlolelwa ukhuvethwe bahlulekile ukuyohlola. “Laba bagibeli ngeke bavunyelwe ukuhamba isikhathi esingangezinyanga eziyisithupha,” kusho uDkt u-Aliyu. “Sithembe ukuthi lesi sinyathelo ngeke siphinde sisisebenzise sidinga ukuba abantu balandele imigomo ebekiwe.”
ENigeria:
Isihlabani somculo wePop esigaqele isikhundla sobumengameli, uBobi Wine ukuboshwa kwaso emasontweni adlule kudale imibhikisho okubulewe kuyo abangama-37, sekuvela ukuthi siphume ngebheyili ngeledlule ngemuva kokubekwa icala lokubamba imibuthano ebingandisa ukuthelelana ngokhuvethe kubantu. Iziphathimandla ziyalela amasosha ukuba agcwale inhlokodolobha iKampala nezindawo eziseceleni ukuze alekelele amaphoyisa ukuhlakaza ababhikishi. Kusetshenziswe izinhlamvu, isisi esikhalisa unyembezi nezinganono zamanzi, kwaboshwa ababhikishi abangaphezu kwekhulu. UWine igamalakhe langempela nguRobert Kyagulanyi, uboshwe ngesikhathi ekhankasa empumalanga yaleli zwe.
“UMuseveni okufanele engabe usenkantolo ngokubulala izakhamuzi eziningi ezingenacala,” kusho uWine kuthelevishini ngesikhathi esenkantolo lapho ubekhuluma ngoMengameli waleli lizwe uYoweri Museveni.
E-Uganda: