Umbuzo: Ngabe yiphutha noma ukushinga?
Mhleli
Alikho iphutha lana futhi akukho ukushinga ngoba lena indawo yokukhangisa nje. - nguXola Sphe Mcese
Mhleli
Iqiniso lithi akukho okuphambene okwenziwe umasipala okanye i-ANC, inkinga la ibe nale nto abayibiza ngesikhathi esifanele u-ANC siwubheke ngamehlo abomvu ukuba ungabhozomeli uBukhosi kukaZulu ngoba kubukeka ngathi bafuna ukuqeda ngawo manje sesibona ngathi baqhubeka lapho begcine khona mhlazane besiphuca iShaka Day. - nguLindani Magwaza
Mhleli
Mina ngiyabuhlonipha uBukhosi bakwaZulu ngiyawazi futhi nomlando waleli bhodi, ukuthi kuhlezi kushintshashintsha ubuso obufakwa la. Akukho okungalungile la. - nguDumakude FV
Mhleli
Indawo yokukhangisa lena. Noma ubani unelungelo lokukhangisa kuyo. - nguHenry Mthembu
Mhleli
I-ANC yizinsizwa kodwa azimzumi umuntu zimqonda ngqo... zibhekene nawo umbuso kaZulu zizodibha phansi, uma zike zabuyela emandleni koshaya owezi-2024 yobe suguqe ngedolo. Kodwa abantu ababoni. Soyicela ivuthiwe. - nguGumede Nqalawe Simphiwe David
Mhleli
Ukushinga, uma kuwukuthi eyesikhangiso abafake namanye amaqembu akhangise kulo lolu bonda lwezimanga, kungabi elibusayo kuphela. - nguNdabenhle Nzimande II
Mhleli
Akukho phutha la, le ndawo iyakhokhelwa uma ungakhokhile kufika omunye ofisa ukuyisebenzisa bazamvumela ngemali yakhe. Kodwa ningayivoteli ANC. - nguSbonga Sbo Jobe
Mhleli
Akulona iphutha akubona ubushinga, kuyasetshenzwa ziningi kabi izindawo ezibungaza uBukhosi bakwaZulu eThekwini, idolobha lenza inzuzo ngezikhangisi. Abantu baphume kule ngqondo yabo. - ngu-Andile Lubengo Kunene
Mhleli
Into endala kaKhongolose lena. IMoses Mabhida kwakufanele kube yiKing Senzangakhona balishintsha balibiza ngoMabhida kwangandaba zalutho namamje lokubukela phansi uZulu kophela kanjalo. Sithole amakhulu ama-R350 sijabule sikhohlwe usizi. - nguSizwe Sithole
Mhleli
Sekusobala uBukhosi bukaZulu ababuhloniphi futhi sekusobala ukuthi abakufuni kodwa akuzukugcina bona kulo mkhuba abawugilayo. - nguThabani Shabangu
Mhleli
Ayi mina ngithule ngiyawubona lo mqondo kaKhongolose ubabona bezogcina bephoqeleka ukufaka iSilo abangahambisani naso nje kwaphela. - nguKenny Fuzelihle
Mhleli
Akulona iphutha futhi akukhona ukushinga. Izindawo ezakhelwe izikhangiso zishintsha shintsha njalo-nje. Ayingenziwa ihaba le ndaba, ziningi izikhangangiso ezihlezi zifakwa laphana. Buzani kithi bahlali baseThekwini.
- nguMpongo Emfeni Zingelwayo
Mhleli
Ngifunde isitatimende sikaMasipala ngalesi senzo. Kodwa ngathi kukhona okuningi okuliwaywo ngalesenzo. Kwenziwa yini iSILO uMisuzulu bamkhiphe yonke indawo. Miningi nje imibuzo. - nguMbali Khumalo
Mhleli
Ukushinga uma kwenziwani ngoba lezindawo ezokukhangisa, ziyakhokhelwa. Uma i-ANC ibhadalile ukuthi ikhangise inkinga ikuphi? - nguHenry Mthembu
Mhleli
Kuthi akube nzima uma kunjena ngoba kubonakala ngathi kunale nkulumo ethi akukho qili lazikhotha emhlane. Manje uma kwenzeka kanjena siyaphela isithunzi sendlunkulu.
- nguThembinkosi Othandokwasendulo Mncwango
Mhleli
Kule ndawo ekuqaleni bekufakwe abake bangamela i-ANC phambilini ngaphambi kokufaka aMakhosi akwaZulu, benze iphutha ngokuthi befake ibhanela le-ANC phezu kwalezi zaMakhosi akwaZulu bekumele bewakhiphi nje le nto ibingeke ibe nomsindo. - nguMhlonishwa Zibonele
Mhleli
Ngaphambi kokuthi kufakwe aMakhosi bekukhona omengameli be-ANC kusuka yasungulwa, akekho awayethe aMakhosi aseyohlala ungunaphakade. Angiyiboni inkinga mina la. - nguMhlengi Lebona Mnikathi
Mhleli
Into efanayo eyodwa le nalawo Makhosi asiza ngani kungcono kwala masela e-ANC kunaMakhosi, awuyothenga indawo yokwakha uzobona bakutshela imali engaphezulu kwezi-20 000 kunyuke njalo kodwa esiliphini sakho kubhalwe izi-5 000, into eyodwa nje le nto, sikhalela izithombe zomlando silambile singasebenzi. - nguMduh Ndlovu