Umbuzo: Iphutha noma ukushinga?
Mhleli
Iphutha noma ngabe akulona kodwa iqiniso ukuthi IFP iyona esazisa kakhulu aMakhosi kanye neSilo, muva nje uHulumeni we-ANC akabonanga kubalulekile ukuthi axhase imikhosi njengoMkhosi WoMhlanga noMkhosi WeLembe ngenxa yokuthi abanendaba futhi abakuqondi ukuthi imikhosi iyimikhuleko. Shintshani ivoti Mazulu. - nguNyambose Mthethwa
Mhleli
Ukweyisa ke lokhu okwenziwe yiNkatha la. Bazidonsela amanzi ngomsela uma kuyiyo ngempela eyenze le poster. Kodwa ngiyasola le nto yenziwe abathize kwaKhongolose ukuzama ukunyundela iqembu leNkatha beliveze njengabantu abadelela ISILO. - nguHonourable Thabani Khumalo
Mhleli
Noma ubani nje owazi kahle i-IFP uyazi ukuthi angeke ikwenze noma ikuvumele lokhu okukulolu qwembe. Kungaba yiphutha lomuntu nje thizeni naye okuyomele angaliphindi nhlobo!! nguChris Ntuli
Mhleli
Nakuba uBukhosi bukhona bumile yiyo i-IFP okube liphutha ukuthi basenzise isithombe seMbube nengicabanga angiboni iyalwazi lolu daba...kodwa nje Inkatha lokho yakholelwa eBukhosini kuze kube namhlanje no-ANC kwadukuza wawufaka izithombe zikaSenzo Mchunu ngoba nakhu bethi lemicimbi ixhaswa yibo... wathi Mdlokombane susani lento. - ngu-Eazydude Intondolo Buthelezi
Mhleli
Savele sayibona lento kaShenge ukuthi inenhlese, kodwa singethuke akaqali namuhla isilo esedlule saze saziphungela sisho ukuthi asihlangani nombusazwe. Ibuhlungu ke lento eyenziwa uShenge ngoba abangahambisani nenhlangano yakhe nemigomo yayo bazizwa bengenaso iSilo uma siwuhlangothi lwepolitiki.
Siyazi impi enkulu yiNgonyama Trust kuhulumeni nobukhosi wenzanike manje uShenge edlala ukuguga ngoba phela sonke siyifuna ivikelwe iNgonyama Trust kodwa asinazwelo nenhlangano yezidlova enganazwelo nabantu.
- nguNkonyaneyenkosi Nkunzemyama