Thokola themba amathunzi ayewukela kumaProteas

AmaProteas avuselele amathemba okunqoba iNdebe yoMhlaba eguqisa i-Australia ngo 3-2 kuchungechunge lwemidlalo emihlanu yosuku olulodwa.

Elakuleli alizange liqale kahle. Emdlalweni wokuqala obuseMangaung Oval likhale ngaphansi ngamawikhethi amathathu kwathi kowesibili ahlulwa ngamarun ali-123..

Ngemuva kwalokho amaProteas avuke umbhejazana enqoba imidlalo emithathu yokugcina ngendlela egculisayo. Kowesithathu obusePotchfestroom anqobe ngamarun ali-111 kwathi eSuperSport Park, eCenturion, ePitoli aphumelela ngama

run ali-164. Kowokugcina obuseWanderers Stadium, eGoli awine ngamarun ali-122.

Intatheli yelaboHlanga, uZipho Singela isibhekela izimpawu ezinhle ngempumelelo yamaProteas.

Ukushaya ama-run amakhulu kubadlali abamqoka ohlwini lokubhetha:

UTemba Bavuma:

(114*, 46, 57, 0): Udlalise okomholi. Emidlalweni emine uqongelele ama-run angu-217. Ahambisane nekhulu elilodwa no-50 owodwa.

UQuinton De Kock:

(11, 45, 82, 45, 27):

Yize ebengenza kangcono kodwa uzitholele ama-run angama-210 emidlalweni emihlanu.

URassie Van Der Dussen:

(8, 17, 62, 30): Umgqigqo wakhe usadinga ukusetshenzwa kwazise akekho efomini aziwa ngalo kulolu hlobo lwekhilikithi.

U-Aiden Markram:

(19, 3, 102*, 8, 93):

Ugcine eqokwa njengomdlali ovele kulandela ukushaya ama

angama-225 emidlalweni emihlanu. Uthole ikhulu elilodwa no-50 owodwa.

UHeinrich Klaasen:

(14, 49, 0, 174, 6): Ubukisa kakhulu ngabashwibi bama-Aussies kowesine. Uvale uchungechunge namarun angama-243 okwenze waqeda endaweni yesibili ohlwini lwabadlali abashaye amarun amaningi kulolu chungechunge lwemidlalo emihlanu.

UDavid Miller:

(0, 49, 8, 82*, 63): Emdlalweni emihlanu uthole amarun angu-202. Indawo yakhe yokuqedela imidlalo oyenze ngendlela egculisayo.