Baphawula ngo“Bhova” abagqabule amaketangi kwelamaFulentshi
Mhleli
Nakanjani ubhedu buludla phezu kwabafana abeqhathwa ngempela. Lendebe kasiyitholanga nje ngokushaya izintekentekana kepha besibhekene nezinsizwa. - nguMzamo Mbatha
Mhleli
Amafelankundleni ezaziyo ukuthi maziphakiwe zisuke ziphakelweni, Halala Bhoke Halala. - nguQinisela Wycliff
Mhleli
Matamela uzoba umongameli wokuqala ukuqukula indebe yomhlaba kabili eNingizimu Afrika, umlando. - nguBongumusa Kuphela
Mhleli
Siyaziqhenya ngabafana bethu basimele kwezemidlalo yombhoxo. - nguSonakali Mfoka Zondi
Mhleli
Saze saminca. Bekunzima bese bengaphezulu kwethu ngomdlalo, zatibula ziya phambili. Siyabonga ezinsizweni. - nguZinhle USisi
Sabelo
Mhleli
Lamadelamzimba aseNingizimu sowabonga ngani? Lamaficanankundleni siyowathwesa ziphi iziqu.? Amazwi okunconcoza wona ayothini? - nguMzamo Mbatha
Mhleli
Ukuba wonke amaqembu esizwe aseNingizimu Afrika adlala kanje ngabe sihlezi sijabula. - nguMagedeza Luthuli
Mhleli
Uyabona lokhu kwakha isithombe sokuthi yebo singabukana kabi ngokwebala kepha iqiniso lithi uma sifuna lelizwe liye phambili liphumelele siyadingana. Akekho okufanele abukele omunye phansi ngenxa yebala lakhe ilokho engikufundile kulendebe yomhlaba, sebengazondake labo abafisayo kepha ukubambisana kubalulekile kuleli ukuze siphume kulamakhamandela esikuwo njengamanje sithanda singathandi. - nguSamkelo
Ngcobo
Mhleli
Baqophe umlando abafana baMabhokobhoko...umhlaba uzosihlonipha eminingi iminyaka ezayo..siyabonga. - nguSimphiwe
Majoka
Mhleli
Yazi iyahlekisa lena yokuthi sizobhekana New Zealand kowekhilikithi. Ngibona bephindwa esaseNgilandi. Bazothola izinhlungu zilandelana. - nguSandile Buthelezi
Mhleli
Siyabonga Mabhokobhoko,engathi kungahlala kunje ezweni kunenjabulo yodwa. - nguKhura
Mkhwanazi
Mhleli
Kuyajabulisa ukubona abafana bezinikelela kanje ngezwe labo kuyancomeka kakhulu Siyabonga. -
Mhleli
Muhle umsebenzi wabo balibeka endaweni enhle igama lezwe. - nguWoshi Nkwali Mkhwanazi
Mhleli
Awu ngagiya kwaze kwavuka omakhelwane baseKenya efulethini engihlala kulo. - nguNtobeko Sotobe
Mhleli
Siyizinkunzi zomhlaba izinto oukmele siziqhenye ngazo kakhulu lezi. - nguThalente
Mayise
Mhleli
Lenjabulo ifike kanzima siphuma egumbini labagula kakhulu echa liyaphila Idlozi noMdali wamaBhokobhoko sithokozile siyisizwe. - nguMjoli Lalelani
Mhleli
Siyazibongela izinsizwa zisebenzile bekufiwa kuloyamdlalo. Wumdlalo wezinsizwa ngampela lona. - nguMadlakadlaka Mula Jojwana Mula nguSibusiso Ngidi Mabura