VRYDAG 2 SEPTEMBER NEWTON TEATER
Jak de Priester se produksie vir 2016 heet “Ek sny dit af”.
Sewe splinternuwe komposisies, twee treffers, twee liedjies wat mense laat skater, maar wat nooit op radio of televisie gespeel mag word nie, ‘n TVtemalied en ‘n alternatiewe sportsliedjie.
Die liedjie wat egter die grootste impak maak onder gehore die laaste paar maande, is die liedjie BOERVROU. Splinternuut.
Geskryf vir elke Afrikanervrou op hierdie aarde. Om dankie te sê. “...ek is dankbaar dat ‘n Boervrou my grootgemaak het...”
Daar is baie humor in hierdie konsert met liedjies soos ‘Ek sny dit af’, ‘Bo blink, onder tink’ en ‘Troudatum’.
Daar is hope nostalgie met nuwe liedjies soos ‘Drakensberge Liefde’.
Daar is baie energie en patriotisme in ‘Die alternatiewe sportliedjie’ en daar is saamsingoomblikke met twee bekende treffers in ‘n totaal nuwe baadjie.
Jak de Priester bring ‘n splinternuwe vertoning op die planke wat sy aanhangers sal laat les opsê van lekkerte en nostalgie, trane en trots en saam met hom hulself afsny van die wêreld, sal lag oor situasies in ons land en sal laat nostalgies raak oor wat belangrik is.