Abe nganokuthula amaholide kaKhisimuzi
UKUSEBENZA ngokuzikhandla kwezinhlaka zokuphepha okubalwa kuzona abombutho we SAPS, amaphoyisa ezomgwaqo, izinkampani zonogada, abezimo eziphuthumayo kanye noMasipala waseMhlathuze ikhona okwenze lamaholide aba nganokuthula njengoba iningi labavakashi belihambele izindawo ezigudle ugu ukuyochitha amaholide.
Okhulumela uMasipala waseMhlathuze, uMnuz. uMdu Ncalane uthe konke kuhambe kahle kuzona zonke izindawo lapho kade kuqhubeka khona izinhlelo zobumnandi kusukela ezinkundleni zaseMhlathuze lapho bekunabaculi khona kuze kuyofika olwandle lapho iningi beliyoshawa khona umoya njengoba kade lishisa kakhulu ilanga.
Uphinde waveza ukuthi njengomasipala kubenza bagqugquzeleke ukuthi bakhuphule izinga lobumnandi minyaka yonke ngoba umphakathi uyayihlonipha imicimbi abayihlelayo ngokuthi uziphathe kahle.
Uphethe ngokugxeka isenzo esisodwa esingesihle nesone wonke umsebenzi kamasipala saphinde saphatha kabi abaningi sokubulawa kweKhansela Njabulo Dlamini waseJozini kodwa ke abanethemba lokuthi abomthetho bazoyidlala indima yabo ukuze bajeze labo abenze okubi.
Okhulumela amaphoyisa asesifundeni saseKing Cetshwayo, uKap’teni Mbongeni Mdlalose uncome kakhulu ukusebenza ngokuzikhandla kwamaphoyisa imini nobusuku ukuvala zonke izindawo ezinobugebengu ngokwenza izivimbamgwaqo kuzona zonke izintuba ezingenela esifundeni ukuze abangaphakathi baphephe.
Uphinde wancoma izakhamizi ezabahlonipha ngokuthi uma zihamba zangashiya kubonakala ukuthi azikho nokwenza kungabilula ezigebengwini ukuthi zibone ukuthi zinamathuba okuthi zizoganga nokwenze lehle kakhulu izinga lokugqekezwa kwemizi kulonyaka.
Ugcine ngelokuthi abazukuqhuba lomkhankaso ngamaholide kuphela kodwa noma inini angeke nhlobo babukele imigulukudu ichanasa bazoyiqoqela endaweni yayo ephelele. Visitors enjoy peaceful holidays in King Cetshwayo District