Basinde kukubi kushayisana izimoto
KULIMALE abantu ababili ngesikhathi kushayisana imoto kanye ne-Ambulense ezimpambanweni zomgwaqo uNgwelezana Road kanye no Copper Drive ngasesiteshini eMpangeni.
Lengozi eshiye i- Ambulense ilele ngohlangothi yenzeke ngoLwesibili emini bebade,kanti ozibonele ngamehlo usola ukuthi i-Ambulense ingene kulezi zimpambano irobothi livalile yabe seyishayisana nalemoto yohlobo lweVW Polio.
‘Lemoto eshayisane neyeziguli ibihamba kuNgwelezana Road ilibhekise ngaseNgwelezane kanti i-Ambulense yona ibiqhamuka ngaseNgwelezane izojikela kuCopper Drive ngesikhathi kwenzeka lengozi,’kubeka obesendaweni yesehlakalo.
Okhulumela amaphoyisa aseMpangeni, uKap’teni Mbongeni Mdlalose, uthe bengamaphoyisa bathole umbiko othi kusolakala ukuthi i-Ambulanse ayilindanga amarobhothi aze ayivumele ivele yangena yase ihlangana nemoto ebihamba abantu ababili okungowesilisa kanye nowesifazane.zabe sezishayisana maqede yalala ngohlangothi nokubikwa ukuthi obeyishayela akaphumanga namyocu.
Obeshayela imoto encane kanye nobehamba naye baphuthunyiswe esibhedlela ukuyothola ukwelashwa njengoba bathole ukulimala okungatheni kulengozi,’ kubeka uKpt. Mdlaolose.
UMdlalose uqhube wathi kuyimanje baphenya icala lokushayela budedengu kanti akukaboshwa muntu.
Two people rushed to Ngwelezana Hospital after a collision between an ambulance and a car