Injabulo behlomula ngamabhayisikili e-Dover
SEKUZOBA ngumlando kubafundi base-Dover Combined School ukuswela izinto zokuhamba, uma bephikelele esikoleni, njengoba abenhlangano engenzi nzuzo yakwa-DICE, benikele ngamabhayisikili.
Lona bekuwumbono kathishanhloko wesikole uMnuz. Wonderboy Mzobe.
UMzobe ukhulume kanjena ngesikhathi emukela amabhayisikili angamashumi amabili nanye, abevele kulenhlangano, emcimbini owenziwe ngesonto eledlule.
Uthe uyethemba ukuthi lomnikelo uzolekelela abafundi ukuze bakwazi ukusheshe bafike esikoleni, njengoba lesi sikole sisendaweni eseceleni.’Abafundi bakulesi sikole beebthwala kanzima ukufinyelela esikoleni.
Kwesinye isikhathi bebephenduka izisulu zezigilamkhuba.
Sidlulisa kakhulu ukubonga kulowo ongusihlalo wesigungu esilawula isikole uMnuz. Wiseman Mthiyane okunguyena oqhamuke nalomnikelo,’ kuqhuba uMzobe.
Ugcine ngelokuthi banethemba lokuthi nabanye bazobonelela kulenkampani, balethe lokho okungabasiza njengoba lesi sikole kukuningi esikudingayo, ukuze sikwazi ukwenza kahle
Injabulo bemukela amabhayisikili abafundi. Kwesokunxele ngusihlalo uMnuz. Wiseman Mthiyane, uNkk. Louise Brockmann kanye nothishanhloko uMnuz. Wonderboy Mzobe
ekupheleni konyaka.
UNkk. Louise Brockman, obemele inhlangano ye-DICE uthe, ukwelula isandla lapho kudingeka, yikhona abakuphilelayo futhi sekuyisiko labo ukusiza abantu abantulayo.
Uphinde wabonga usihlalo wesigungu sabazali uMnuz. Mthiyane, ngokukhathalela kwakhe, ikusasa labafundi.
’Empeleni kube wukungqongqoza kwakhe ephindelela, okwenze sagcina sigobe uphondo, ngenxa yokubona impokophelo yakhe nogqozi lokuguqula isikole.
‘Eqinisweni besimthembise amabhayisikili ayishumi, kodwa ngenxa yesineke sakhe elokhu eyiphela endlebeni yethu, sigcine simnike amabhayisikili angamashumi amabili nanye.
’UNkk. Brockmann uthe uma bephinda bethola amanye amabhiyisikili, bazobuyela futhi kulesi sikole.
Okhulumele abafundi uPhindile Gumede uthe, sekuzoba wumlando obekwenzeka kulesi sikole, njengba abafundi bebefika sekuqaliwe ukufunda.Usihlalo wesigungu sabazali, uMnuz. Wiseman Mthiyane ubonge kakhulu abakwa-DICE, wase enxusa nezinye izinkampani ukuba ziphose itshe esivivaneni sokwakhiwa kabusha kweDover.’
Asifezekise iphupho likaMadiba, lokwenza imfundo ibe yisikhali esinamandla esingasisebaenzisa sokushintsha umhlaba.’
DICE donates bicycles to Dover
Combined
School