Miljarde bewillig vir Edenmunisipaliteite
Die Wes-Kaapse regering het sy beursie oopgemaak om munisipaliteite binne die Eden-distrik ‘n finansiële hupstoot te gee om volhoubaarheid te verseker.
Dr. Ivan Meyer, Wes-Kaapse minister van finansies, het Woensdag 19 en Donderdag
20 Julie munisipaliteite binne
Eden besoek om eerstehands die finansiële stand van sake, asook onderhoud aan infrastruktuur en ander dienslewering te ontleed.
By die Eden-distriksmunisipaliteit het dr. Meyer met hoë profiel amptenare, direkteure en raadslede van al die Eden-munisipaliteite vergader. By die vergadering het hy aangekondig dat die Wes-Kaapse regering in sy 2017/2018begroting R4 miljard begroot het vir werkskeppingsprojekte binne Eden, asook om groei te verseker en ander projekte, soos die bemagtiging van die jeug aan te moedig.
‘n Verdere R1 miljard is bewillig om met infrastruktuurprojekte te begin.
Die R4 miljard toekenning is as volg:
Knysna: R469 miljoen (9,4%) Bitou: R220 miljoen (4,4%) Oudtshoorn: R 820 miljoen (16,4%)
Kannaland: R151 miljoen (3%) Hessequa: R356 miljoen (7,1%) Mosselbaai: R575 miljoen (11,5%) George: R1,7 miljard (34,1%)
Die R1 miljard infrastruktuur finansiering is as volg opgedeel:
Knysna: R108,6 miljoen Bitou: R42,4 miljoen Oudtshoorn: R180,5 miljoen Kannaland: R6,7 miljoen Hessequa: R122,2 miljoen Mosselbaai: R124,8 miljoen George: R228,2 miljoen Eden-distriksmunisipaliteit: R198 miljoen
By die Eden-vergadering het dr. Meyer gesê: “Met besluitneming oor die toekenning van die geld, het ek in ag geneem dat baie mense binne Eden ‘n sukkelbestaan voer. Niks is meer belangrik as die groei van die ekonomie en werkskepping nie. Hierdie finansiering sal daarvoor werkskepping ‘n hupstoot gee.”
Hy sê dat die R4 miljard se verspreiding gefokus moet wees op die vyf strategiese doelwitte van die Wes-Kaapse regering.
Die vyf doelwitte is:
Werkskepping,
Verbeterde opvoeding en die ontwikkeling van die jeug,
Welstandverbetering, die voorkoming van misdaad en die aanspreek van dwelmmisbruik,
Volhoubare, kwaliteit en inklusiewe leefomstandighede, geïntegreerde menslike nedersettings en infrastruktuurbelegging, soos paaie,
Om projekte en programme te finansier om die korporatiewe bestuur in die Wes-Kaap te verbeter.
“Ons moet ‘n volhoubare regering met uitstekende dienslewering
Ons bly verbind daartoe om die munisipaliteite te ondersteun in kwaliteit dienslewering.
daarstel en aan dienste aan die mense lewer.” Dr. Meyer het die klem gelê op onderrig.
Die R1 miljard vir infrastrutuurdienste is geoormerk vir onderwys (R106 miljoen), gesondheidsdienste (R42 miljoen) openbare werke
(R46 miljoen), paaie
(R574 miljoen) en menslike nedersettings (R265 miljoen).
Ten opsigte van die Kannaland finansiële herstelplan, het dr. Meyer gesê: “Dit is steeds ‘n groot bron van kommer. Toe die provinsiale kabinet op 7 Desember 2016 besluit het om in te gryp by dié munisipaliteit, het ons dit gedoen in belang van die mense en beter dienslewering.
“Hy het die aanstel van Rayland Stevens (munisipale bestuurder) en Bennie Strydom (hoof finansiële beampte) verwelkom. “Dit is ‘n groot stap vorentoe in die lang pad wat voorlê in die munisipaliteit se omkeerstrategie. “Ons bly verbind daartoe om die munisipaliteite te ondersteun in kwaliteit dienslewering.”
Hy het ook ‘n besoek aan die Gamkapoortdam buite Ladismith afgelê. Die dam is al vir maande leeg. Daniel Johnson, dr. Meyer se woordvoerder, het Maandag 24 Julie gesê: “Die minister gaan opvolgbesoeke doen om seker te maak die geld word reg aangewend.”
Johnson het gewaarsku dat die geld teruggeneem sal word, indien dit nie aangewend word soos deur dr. Meyer vereis nie.