Young-egpaar lei nou by Outeniqua-rolbalklub
Greg Young is eenparig tot president van die Outeniqua-rolbalklub verkies met sy eggenote, Lyla, wat ook onbestrede verkies is om die sekretarisstoel vol te sit.
John Dampier is weer tot visepresident herkies en die uittredende president, Phillip Hattingh, is as tesourier aangewys in die plek van Daan Adlam wat tans met sy gesondheid sukkel.
Die wedstrydsekretaris, Matilda Champaud, en haar assistant, Anri Fick, is ook onbestrede herkies.
Die addisionele lede is Das Barnard, Terry Enslin en Hendrik Barnard.
Die lede van die mans-keurkomitee is Gerhard Kotze, Attie Nortje en Greg Young terwyl die dames keurkomitee en Matilda Champaud, Rita Louw en Mime Nortje bestaan.
Onder uitdagende finansiële omstandighede het die klub uitstekend gevaar deur net 'n klein verhoging in die lidmaatskapfooie te bewerkstellig.
Die afgelope boekjaar was die aanbou van 'n derde baan en opgradering van die klubhuis van die belangrikste uitgawes wat die uitdaging om klubfooie bekostigbaar te hou soveel groter.
In sy jaarverslag het die Hattingh almal geloof wat 'n bydrae tot die klub se sukses gemaak het.
Hy het ook die deelnemers en borge van die handelsliga uitgesonder en hartlik bedank vir hul bydrae tot die finansiële welstand en groei van die klub.
"Geluk ook aan die spelers en spanne van die klub wat in Eden-spanne ingesluit is en kompetisies gewen het.
Die klub kan met reg trots wees op die prestasies van sy lede," het hy gesê.
Die naamgewing van die nuwe baan is tot 'n latere datum uitgestel.