Eden vereer sportlui

Bekende sportlui, waaronder Elma

Davids (rolbal), Meike Strydom (atletiek), Christo Lamprecht (gholf), Gustav Schlechter (tweekamp), Susan Agrella (skerm) en Georgiou Divaris (seiljagvaart), is onder die finaliste vir vanjaar se Edensporttoekennings.

Die wenners word vanaand op Riversdal tydens ‘n geleentheid in die burgersentrum aangewys.

Die wenners van sommige kategorieë sal na die Wes-Kaapse sporttoekennings deurdring.

Altesame 160 nominasies is vanjaar vir die Eden-toekennings ontvang.

Die wenners van sommige kategorieë sal na die Wes-Kaapse sporttoekennings deurdring.

Die Hessequa-munisipaliteit is vanjaar gasheer. Die Wes-Kaapse departement van kultuursake en sport (DKES) en die Eden-distrikmunisipaliteit is saam met die Eden-sportraad die ankervennote vir dié toekennings.

Davids, ‘n befaamde Protea-rolbalspeler, en Divaris is onderskeidelik genomineer as sportvrou en -man van die jaar.

Strydom, wat Suid-Afrika onlangs by die Afrika-spele in gewigstoot verteenwoordig het, is as junior en hoërskole sportvrou van die jaar genomineer. Lamprecht en Schlechter gaan saam met GW Lund om die hoërskole sportman van die jaar-titel meeding.

Van die ander finaliste is Nicola Putter (laerskole sportvrou), die judoka Lilian Steyn (afrigter van die jaar), die atleet Antonio Farmer (nuweling van die jaar), Eden o.20-rolbal (span van die jaar), Agrella (sportvrou: gestremd), Martin Vorster (junior sportman) en Johan Windt (meestersportman).

Pacaltsdorp Primêr en Hoërskool George is saam met Heidedal Primêr genomineer vir beste ontwikkelingskoolspan.

Daar is een benoemde vir die nuwe kategorie, rekreasie sportliggaam van die jaar: Philip Seroux. Dié toekenning gaan aan ‘n sportliggaam of -persone wat ontspanningsaktiwiteite reël wat nie georganiseerde sport behels nie.