Klubrugby

Blanco en Groot-Brakrivier se Premierligarugbywedstryd Saterdagmiddag op die Blanco-sportterrein het met 17-17 gelykop geëindig.

Rustyd het Groot-Brak met 14-7 voorgeloop.

Blanco se puik skrumwerk het die besoekers verras. Hul swak skopwerk na die pale het egter verhoed dat hulle die knoop kon deurhak.

Ricardo Jansen (slot), Ian Alexander (agtsteman), Enrico Treurnicht (skrumskakel), Christo du Plessis (binnesenter en kaptein), Hentzwil Pedro (regtervleuel) en Gerald Roman (heelagter) het vir die tuisspan uitgeblink.

Vir die besoekers het hul skrumskakel, Arden Lee Meyer, met slim skoppies baie druk op Blanco geplaas. Cheslin Gelderbloem (buitesenter), Hugh Minnies (regtervleuel), Devin Karelse (heelagter), Anwar Ohlson (agtsteman), Percy Gelderbloem (flank) en Bennie van Vuuren (slot) het ook die oog gevang.

Du Plessis, Pedro en Gurschwin Williams (plaasvervanger-losskakel) is vir Blanco oor vir drieë. St Clair Maclean (losskakel) slaag met ‘n doelskop.

Vir die besoekers is Ricardo van Wyk (losskakel) oor vir sy span se enigste drie. Meyer slaag met 4 strafdoele.

Evergreens het op sy tuisveld 5 puik drieë gedruk in hul oorwinning van 31-17 oor NMMU.

Evergreens is nou derde op die punteleer met 56 punte.

Quinton Afrika (heelagter, 2), Buran Parks (flank en kaptein, 2) en Rudi Michaels (skrumskakel) het vir die wenspan gaan druk. Afrika slaag met 2 doelskoppe en C-Than Moos (plaasvervanger) klits ook ‘n doelskop oor.

Vir NMMU het Francois Kemp (agtsteman en kaptein), Breyton Cupido (linkervleuel) en Mkuseli Yantolo (buitesenter) gedruk. Christiaan Willemse (losskakel) slaag met ‘n doelskop.

Die voorloper op die punteleer, Progress, het vir Maori’s op die Borcherds-sportterrein met 26-20 geklop.

Vir die wenspan is Wendell Pondo (agtsteman), Fizell Fredericks (linkervleuel), Enrico Saaiers (slot) en Gaywin Smith (plaasvervanger) oor vir drieë. Jade Roelfse (losskakel) slaag met 3 doelskoppe.

Isai Billy (kaptein) en Selwyn Jakobsdal het vir Maori’s gaan druk. Marshall Frans slaag met 2 doelskoppe en 2 strafdoele.

Barbarians het vir Crusaders in ‘n klipharde wedstryd op die Parkdenesportterrein met 30-24 gewen. Albei spanne kon net drie drieë druk. Danver Amsterdam is aangewys as Barbarians se speler van die wedstryd.

Justin Bhana (heelagter), Curshwon Mono (linkervleuel) en Luwayne Fortuin het vir die wenspan gaan druk. Ralton October (losskakel) slaag met 3 doelskoppe en 3 strafdoele.

Bridgton het vir Silver Stars op die Rosemoor-sportterrein oortuigend met 42-12 geklop.

Vir die wenspan is Charlsston Ewerts (linkervleuel, 2) Ganfried May (binnesenter), Grahame September (skrumskakel), Jolun Saptou (flank) en Ruahl Lewis (slot) oor vir drieë. Anver Venter (heelagter) slaag met 6 doelskoppe.

Henwico Stal (regtervleuel) en Marshall Boesak (buitesenter) het vir die tuisspan gaan druk. Neillin Scott (heelagter) slaag met ‘n doelskop.

PUNTEMAKERS - TWEEDE EN DERDE SPANNE:

Barbarians II (47): Drieë – Randle Otto (heelagter, 2), Chester Mitchell (regtervleuel, 3), Marshall Daniels (buitesenter), Martino Adonis (agtsteman). Macdilen Saayman

(losskakel) slaag met 6 doelskoppe.

Crusaders II (25).

Barbarians III (12): Cody Cairncross (binnesenter) slaag met 3 strafdoele en Lohane Kiewiet (losskakel) klits ook ‘n strafdoel oor.

Crusaders III (8).

Bridgton II (17): Drieë – Warren Malgas (heelagter), Kurt Rhode (regtervleuel) en Ricardo Davids (flank). Lavano Nathan (losskakel) slaag met ‘n doelskop.

Silver Stars II (14): Drieë - Brian Botha (heelagter), Nico November (binnesenter). Andrico Ruiters slaag met 2 doelskoppe.

Bridgton III (13): Drieë - Anrich Daniels (buitesenter, 2), Merkayvin Michaels (heelagter) slaag met ‘n strafdoel.

Silver Stars III (10): Drie - Neil Botha (binnesenter). Sammy Jacobs (heelagter) slaag met ‘n doelskop en ‘n strafdoel.

Progress II (50): Drieë - Enrico Scott (heelagter, 2), Lucehano James (linkervleuel, 2), Pieter Makellie (regtervleuel), Merlin Geswindt (binnesenter), Gerren Jansen (skrumskakel), Justin Levendal (flank). Brisslin Blom (losskakel) slaag met 5 doelskoppe.

Maori’s II (26).

Progress III (31): Drieë - Sylvester Lewis (buitesenter), Stevano Olivier (binnesenter), Cawille Ruiters (flank), Laurentuis Wolhuter (haker), Calmin Johnson. Eugene Heneke (losskakel) slaag met 2 doelskoppe en Elroy Stalmeester (heelagter) klits ook ‘n doelskop oor.

Maori’s III (5)

Evergreens II (64): Drieë - Botha (heelagter), Bredenkamp (regtervleuel), De Villiers (buitesenter), Moos (binnesenter), Bruinders (agtsteman), Grundlingh (slot), Treurnicht (loskopstut), Plank, Willemse, Damons. Moos slaag met 6 doelskoppe en Botha klits ook ‘n doelskop oor.

NMMU Madibaz II (0).

Evergreens III (52): Drieë - Damons (linkervleuel), Saaiman (skrumskakel), Tromp (flank), Griewelaar (slot, 2), Plaatjies (vaskopstut), Rondganger (haker), I. Bennet. Saaiman slaag ook met 6 doelskoppe.

NMMU Madibaz III (7): Drieë - Breyton Arendse (binnesenter). Shaun Adonis (heelagter) slaag met die doelskop).

Groot-Brakrivier II (24): Drieë - Benje Muller (vleuel), Herchelle Williams (buitesenter), Byrol Stuurman (flank),

Enslin van Heerden (vleuel). Sergei Deysel (skrumskakel) slaag met 2 doelskoppe.

Blanco II (3) : Eugene Pietersen (losskakel) slaag met ‘n strafdoel.

Groot-Brakrivier III (45): Drieë - Hirgo Prins (buitesenter), Bramwill Abrahams (agtsteman), Ashwin Taaibos (flank), Alaine Erasmus (flank, 2)

Johnathan van Vuuren (slot), Reduaan Botha (heelagter) slaag met 6 doelskoppe en ‘n strafdoel.

Blanco III (3): Shagel Levendal (losskakel) klits ‘n strafdoel oor.

Foto’s: Hugo Redelinghuys en Anton Gurchwin Williams trek ‘n speler van Groot-Brakrivier grond toe met bal en al. Ian Alexander, agtsteman van Blanco, nael met mening met die bal met sy spanmaat Christo du Plessis (links) wat sy treë moet rek om by te bly. Gericke

Enrico Treurnicht van Blanco hang soos ‘n valk aan ‘n speler van Groot-Brakrivier in Saterdag se Premierligakragmeting. Dié wedstryd het met 17-17 gelykop geëindig. Hentzwill Pedro, puik regtervleuel van Blanco, duik ‘n speler van Groot-Brakrivier van...

Myron Scheepers van Blanco kry ‘n speler van Groot-Brakrivier van agter aan sy trui beet.

Elmar Campher, bestuurlsid van Blanco-rugbyklub, gee uiting aan sy vreugde nadat sy span in die doodsnikke van die wedstryd gaan druk het met 17-17 gelykop te eindig. Was Blanco se stelskopwerk pale toe beter, het hulle dié kragmeting gewen.

Cheslyn Figeland probeer ‘n verdediger afskud. Hilton Wildemans (met bal) het op skrumskakel skitterspel vir Blanco gelewer.

Die Blanco-agtsteman Ian Alexander was een van sy span se groot uitblinkers teen Groot-Brakrivier. St Clair Maclean van Blanco op die aanval. Hy was suksesvol met ‘n doelskop.

Enrico Treurnicht van Blanco (met bal) loop ‘n speler van Groot-Brak onderstebo.

Ian Alexander raak van die bal ontslae met twee verdedigers van Groot-Brtak wat hom stewig vasvat.