Lente-tee vir 90-plussers
George Service Clubs het vir die sewende agtereenvolgende jaar ‘n Lente-tee aangebied vir hul inwoners van ouderdom 90 jaar en ouer. Gades is ook saamgenooi. Een van die inwoners, Doreen Harper (93) het staaltjies uit haar jeugjare as jong vrou in Pole tydens die oorlogsjare vertel. Die inwoners is bederf met spesiale geskenkpakkies wat geborg is deur Mediese Sentrum Apteek en Solidariteit Helpende Hand. Verteenwoordigers van hierdie twee organisasies het saam gedeel in die vreugde en die bederfpakkies persoonlik uitgedeel. George Service Clubs wil graag vir Maria Boonzaier en Nina van Wyk (Mediese Sentrum Apteek) asook Marieta Verwey (Solidariteit Helpende Hand) van harte bedank vir hul teenwoordigheid en gesellige saamkuier.