Attie laat speke sing

Attie Botha, ‘n gestremde fietsryer van George, het homself deeglik laat geld by die Pa ra fiets ry-wêreldkampioenskappe in Pietermaritzburg. In die tydtoets oor 30km, wat in ‘n stormsterk wind plaasgevind het, het hy in ‘n verdienstelike 17de plek klaargemaak. In die padwedren oor 87km het hy in die 14de plek geëindig. Attie het sy dank uitgespreek aan sy borge en weldoeners wat hom gehelp het om sy droom te bewaarheid om aan die taai kampioenskap deel te neem. Onder hulle tel Corné Bence van Eden-fietsry, Oudtshoorn-fietsryklub, Annie’s One Stop, die fisioterapeut Cecile Steyn, ATKV Hartenbos, Marita Swanepoel en Ansie Swart.