Darren Fortuin skitter vir
Pieter Ferreira (links) en Jaco Gerber (stut) maak seker die voorspeler van Stellenberg het geen voet om op te staan nie.
André Stander
Die Kwaggas se o.19A-rugbyspan kan met reg trots wees op hul oorwinning van 31-22 teen die gedugte span van Hoërskool Stellenberg. Die Kwaggas het vier pragdrieë in die interskole-kragmeting gedruk.
Wat die oorwinning nog soeter maak, is dat die Kwaggas die bordjies verhang het nadat hul verlede jaar in Bellville met 43-38 slae gekry het.
Die Kwaggas het hul lywe op die spel geplaas met hul puik verdediging teen 'n span wat verlede week nog vir Hoërskool Brackenfell met 47-0 afgestof het.
Die vlugvoetige buitesenter van die wenspan, Darren Fortuin, was ongetwyfeld die beste speler op die veld. Sy briljante aftrap, aanvoeling vir ‘n gaping en plettervatte het die besoekers hoofbrekens besorg. Sy puik drie in die tweede helfte, wat hy binne sy eie halfgebied begin en onder die pale afgerond het, het die groot skare op hul voete gehad. Fortuin is definitief ‘n talentvolle speler wat nog diep spore in SA rugby kan trap.
Die Kwaggas se afrigtingskorps verdien ‘n pluimpie vir die slim skuiwe om vir Aylon Scabort (kaptein) vanaf skrumskakel na binnesenter en Abre Minnie agter die oond te laat diens doen.
Hul skuiwe het vrugte afgewerp met Minnie wat vinnig agter die skrums skoongemaak het en Scabort was ‘n yster in die aanval en verdediging. Matthew Thorne (heelagter), Herchelle Otto (regtervleuel) en Zinedine Robinson (losskakel) kan ook tevrede voel met hul spel.
Voorlangs het hul lostrio, Braam van Huyssteen, Leon Volschenk, Bennet Nortje, slotpaar André Pretorius en Pieter Ferreira, gekook. Hul hele voorry, Jaco Gerber, Eldon Lotz en Brian Williams het tot die einde stewig vertoon teen die swaarder pak van die besoekers.
Outeniqua se drieë is gedruk deur Eldon Lotz, Bennet Nortje, Darren Fortuin en Herchelle Otto. Fortuin slaag ook met