Inspirerende Koppie vir Kansa in Oktober
'n Koppie vir Kansa word op Saterdag 13 Oktober in die kerksaal van die VGK Blanco, Vloedstraat, gehou.
Dit beloof om'n inspirerende oggend te wees rondom die tema 'Laat hoop verrys/'Let hope rise'. Die gassprekers by die geleentheid is Tersia Fourie van Kansa en 'n kankeroorwinnaar, Julia Williams wat haar storie van hoop gaan vertel.
Daar sal ook 'n sangitem wees en matrikulante gaan met hul matriekafskeidsrokke spog in 'n modevertoning.
Kaartjies kos R100 per persoon en is beskikbaar by Eve Stoffels by 076 892 2811.
Vroue wat as gasvroue vir 'n tafel wil optree of persone wat skenkings wil maak, kan haar ook bel.