GEORGE-EISTEDDFOD
is in volle gang by die George-kunsteteater
Die 2018 Finovo George-eisteddfod is tans in volle gang en gaan vir opwindende hoogtepunte sorg. Dit sluit 'n optrede van die Viva Voce Vokale Ensemble van Hoërskool Outeniqua op Woensdag in asook die prysuitdelingsaand op Donderdag 30 Augustus in die Oakhurst Insurance George Arts Theatre.
Die sangafdeling het op Dinsdag 'n aanvang geneem en duur tot Vrydag 17 Augustus en vind daagliks plaas vanaf 10:00 tot 12:00 onder die beoordeling van Philippus Hugo van Stellenbosch.
Op Vrydag 17 Augustus kom die opeafdeling vir volwassenes aan die beurt, wat om 10:55 begin en meestal Elisabeth Potgieter se studente insluit, maar ook enkeles van Alma Oosthuizen.
Errata
In die George-eisteddfod se drama-afdeling was Marlene Pietersen die beoordelaar met Leentjie Nell die assistent. 'n Fout het in die onderskrif van verlede week se uitgawe ingesluip.
Op 20 Augustus vind die instrumentaleafdeling se items plaas en vanjaar sluit dit harpe, marimbas, tjello’s, klassieke kitaar, viole en verder die gewone, slagorkes en junior instrumentale ensembles. Dit duur tot 24 Augustus.