Vredesoptog by Eenheidspark oor situasie in Palestina
Die organiseerders van 'n plaaslike vreedsame protesgeleentheid oor die voortslepende konflik in Palestina, hoop om verdere druk op die regering te plaas vir 'n skietstilstand in die gebied. Die geleentheid vind Saterdag 25 November van 10:00 by Eenheidspark plaas.
Israel en Hamas het gister (Woensdag, 22 November) ooreengekom op ‘n skietstilstand van vier dae in Gaza.
Konflik in die gebied tussen Israel en Palestina dateer al van die middel 20ste eeu. Dit het op 7 Oktober opnuut weer opgevlam nadat Hamas aanvalle op Israelse burgerlikes uitgevoer het. Israel het daarna teruggeslaan en sedertdien het duisende mense gesterf.
Oor en weer beskuldigings is en word daarna geslinger.
Zaahirah Kozain, wat in George gebore
Almal is welkom - ongeag hul taal, geloof en ras. Kozain het benadruk dis ‘n vreedsame geleentheid.
en getoë is en deesdae in die Paarl woon, het Dinsdag by navraag bevestig dat die geleentheid Saterdag gaan plaasvind. Sy en twee ander inwoners, Hein Scheepers en Widaat Salie is by die reëlings van die geleentheid betrokke.
Sy het aan George Herald gesê almal is welkom - ongeag hul taal, geloof en ras.
Kozain het benadruk dis 'n vreedsame geleentheid. Die organiseerders wil bewusmaking skep oor die situasie in Palestina. "Ons wil ons solidariteit met Palestina wys."
Die organiseerders wil ook mense bewusmaak van die menseslagting wat op die oomblik daar plaasvind.
Tydens Saterdag se program sal verskeie sprekers optree.
Saterdag se geleentheid is die voorloper van protesoptog wat vir 2 Desember deur die strate van George beplan word.