Laat ons lees! Plaaslike ATKV-TAK skenk boeke aan jeugtakke
Die plaaslike ATKV Spandautak, in samewerking met LAPA Uitgewers, het onlangs ‘n verskeidenheid leesboeke aan die drie plaaslike Atkv-jeugtakke in Graaff-reinet oorhandig as dié organisasie se bydrae tot die Mandeladag inisiatief. Altesaam is 67 boeke aan die drie takke oorhandig. Nelson Mandela het immers gesê; “Education is the most powerful weapon which can change the World”. Daarom het die ATKV gevoel dat dit gepas sou wees om boeke aan die jeugtakke te gee ten einde onderwys te bevorder. Op die meegaande foto verskyn (agter) Anwar Koeberg, sekretaresse van die Kletsers Sonder Grense Junior ATKV-TAK van Spandau Sekondêre Skool, Johnny Meyer, voogonderwyser van die Graaffies Junior ATKV-TAK van Asherville Sekondêre Skool, Johan Pretorius, ondervoorsitter van die Spandau ATKV-TAK, Graaff-reinet, Henry Thomson, voorsitter van die Spandautak, Magda van Heerden, voogonderwyser van die Volksmond Junior ATKV-TAK van Hoër Volkskool, Archie Cronje, bestuurspan van die Spandautak, Rose Koeberg, voogonderwyseres van Kletsers Sonder Grense-tak, (voor) Mariam Arvon, Graaffies-tak voorsitter, Levine Plaatjies, Graaffies-tak ondervoorsitter, Justin Gafoor, Volksmond-tak voorsitter, Jana Wagenaar, Volksmond-tak ondervoorsitter, Robyn Fischer, Kletsers Sonder Grense-tak voorsitter en Denechia De-wee, Kletsers Sonder Grense-tak ondervoorsitter.