Spandau-jeug onthaal bejaardes vir Mandeladag
GRAAFF-REINET — Spandau Sekondêre Skool se Atkv-jeugtak, Kletsers Sonder Grense, het die oggend van Mandeladag met die omgewing se bejaardes spandeer.
Die byeenkoms het by die skool plaasgevind, waar die bejaarde gaste die leerders se verskillende vertonings terdeë geniet het.
Die Atkv-jeugtak se leerkrag, Rose Koeberg, het met die hulp van haar leerders, die geleentheid noukeurig gereël.
Gaste het die leerders se sang items en dansroetines geniet en het self ook stories en gedigte aan die leerders voorgedra.
Die leerders en bejaarde gaste het ook interaksies gehad met die motorfietsers van die Exeptions Motorfietsklub, wat almal teenwoordig verskriklik baie geniet het.
Dit was veral vir die jong leerders ‘n verassende bonus om te sien hoe van die bejaardes selfs op die fietse geklim het.
Gaste het toe sop en toebroodjies geniet en het ook warm winter komberse ontvang. Die komberse is deur die studente versamel deur middel van ‘n skenkingsversoek.
Rose Koeberg het aan die gaste verduidelik hoe belangrik dit is om die bejaardes te respekteer en vir hulle te versorg en dat dit vir hulle om hierdie rede belangrik was om die ouer generasie te vier en erkening te gee.