Stap deur dorp maak ‘n indruk
COLESBERG — Terwyl gemeenskapslede, verbonde aan Badisa en Colesberg Rotariërs, Saterdag, 14 Oktober, agterme kaar en doodstil deur Colesberg en Lowryville se strate geloop het, het dit beslis ‘n indruk op ander mense gehad.
Hierdie jong mense het hul teenkanting teen een van die vinnigste groeiende georganiseerde
misdade ter wêreld, naamlik mensehandel/ slawerny, op besondere wyse getoon en daarmee gesê “Stop daarmee!”.
Dit is ‘n nie-winsgewende organisasie wat hierdie boodskap dryf met 12 kantore in 11
lande. Kaapstad is die enigste Afrika-land wat oor een van hierdie ka ntore beskik. Hierdie organisasie is van mening dat verandering wel moontlik is en stel dit ten doel om nie te stop alvorens almal vry daarvan is nie. Van die kantore se fokus is op voorkoming en ander rehabilitasie en nasorg.
Met hierdie pogings streef hulle om die mees kwesbare mense van ons samelewing betyds te
bereik, voorkomingsmaatreëls daar te stel en om slagoffers van regoor die wêreld in hul menswees te herstel.
Dit is dan ook hul doel om die misdadige element aan die kaak te stel sodat diesulkes voor die howe gebring kan word.
Kom ons as gemeenskap sterk hierdie organisasie se hande deur betrokke te raak in ons gemeenskap en verdagte gevalle aan hulle deur te gee.