Caltex Dienssentrum open gedeeltelik na opgradering
COLESBERG — Caltex Dienssentrum het Donderdag, 19 Oktober, aan die noordekant van Colesberg op die N1, gedeeltelik na opgradering, geopen.
Gerrie du Toit (voorsitter: Alzo-groep) het die Advertiser meegedeel dat die perseel steeds die van die Caltex-eiendom is, maar dat Alzoondernemings en die Mabuza Trust die vennootskap besit en hulle belange ook hier uitbrei. Die petrolpompe en die “Fresh Stop Diner” winkel is reeds in werking terwyl die verwagting is dat die Spur-gedeelte teen 10 tot 15 Desember voltooi sal wees.
Charles Beukes het die verrigtinge geopen terwyl Mev Mabuza die trust verteenwoordig het en die span ook sterkte toegewens het. Sy het ook die seremoniële lint vir die amptelike opening geknip. Die bestuurders van die kompleks is Wendel Fortuin en Deon Louw.
Weens hierdie ontwikkeling is ongeveer 73 lokale werknemers van ‘n volhoubare inkomste verseker.
Dit is opmerklik dat die winkel op die wegneem-ete mark gerig is met byvoorbeeld Grill to go, Juice bar, Seattle Coffee co, Chill zone en andere.
Hierdie betrokke dienssentrum is reeds in 1989 gebou en Desember 1989 deur geopen.
Conradie was ook later ‘n vennoot in hierdie besigheid. Olivier het dit later (ongeveer 1993) aan Caltex verkoop. Caltex het dit toe as ‘n agentskap beskikbaar gestel waarna Tinus Olivier dit in 1993 gekoop het.
Die restaurant was toe as die Metro Park Restaurant bekend. Olivier se ouers, Lukas en Ria Olivier, het die restaurant bedryf en was ook die breinkinders van die Chic-king Braai Koning wat ook van hier bedryf was. Olivier het later die BJ’S agentskap daar begin wat baie suksesvol en gewild was. In 2003 verkoop hy die besigheid aan Nos du Plessis en Willie van der Vyfer.
Van de Vyfer het later die bedryf verlaat. Die besigheid was toe ook bekend as die Metro Park“star Stop”.
Die restaurant het later die “On Route Cafè restaurant geword.
Nadat Du Plessis op 12 Mei 2013 oorlede is het sy eggenote en kinders Oeloff en Renè du Plessis die besigheid bedryf.
Hulle het later die bedryf verlaat en het in 2016 na Kaapstad verhuis. Dit het nou eers weer geopen. Koos Olivier