Klub beplan swemgala vir beginners
GRAAFF-REINET — Die Graaff-reinet Swemklub bied eersdaags hul eie beginners-gala aan.
Die geleentheid sal op Saterdag, 11 November by Hoër Volkskool se swembad plaasvind.
Hierdie gala is slegs vir swemmers wat nog nooit aan ‘n B- of A-liga gala deelgeneem het nie.
Die doel van dié gala is om plaaslike kinders aan gala-verrigtinge bloot te stel.
Niemand word gediskwalifiseer nie, en almal wen ‘n prys!
Daar is ook ‘n prys vir die skool met die meeste inskrywings.
Registrasie begin om 08:00 die oggend en die gala skop om 8.30 af.
Inskrywingskoste beloop R25 per leerder, maak nie saak hoeveel items hy/sy aan deelneem nie.
Inskrwyingvorms is beskikbaar by Grtswemgroep@gmail.com
Die klub gaan ook gemengde aflosse hou in elke ouderdomsgroep.
Hier kan skole twee dogters en twee seuns inskryf. Daar is ook ‘n ope-aflos vir die skole wat nie vier kinders per ouderdomsgroep het nie. Dit beteken dat jy enige kind van enige ouderdom en enige geslag kan inskryf vir hierdie item.
Die Graaff-reinet Swemklub wil hierdie graag ‘n jaarlikse instelling maak en moedig hul alle skole aan om soveel moontlik kinders in te skryf.
Tuisonderrig-leerders is ook baie welkom - hierdie gala is nie beperk tot slegs skole nie.
Ouderdomme waarin items geswem word is seuns en dogters 8 en onder, O.9, O.10, O.11 en O.12 (ouderdom op dag van gala).
Dié drie swemmers - verbonde aan die Graaff-reinet Swemklub - het op 21 Oktober aan ‘n C-liga gala deelgeneem in Port-elizabeth en Uitenhage en baie goed gevaar. Hulle is Carlien Lua Bouwer, Carlien Oosthuizen en Lara Vosloo. Die klub is baie tros op hulle.