Y-WAM groep bring besoek aan Colesberg
COLESBERG — Nog nooit van Y-WAM groep gehoor nie?
Dit beteken “Youth with a mission”. Dit is ‘n wêreldwye beweging wat hom beywer om die jeug te help om God te ken en om God bekend te stel aan mense.
Dit is ‘n interkerklike organisasie wat reeds in 1960 gestig is om jong mense betrokke te kry in uitreikingsaksies. Werk word onder omtrent 180 verskillende nasies gedoen. Hierdie bediening is saamgevat in drie kategorieë nl: (1) Opleiding (2) Evangelisasie en (3) Barmhartigheid/ontferming/dissipelskap. Die doel is om hoop aan armes/siek en weerlose mense te bring. Hierdie groep wat Colesberg die pas afgelope twee weke besoek het, het hul opleiding in Muizenberg ontvang en het veral gewerk onder die jeug van Lowryville gemeenskap en Lowryville Intermediêre Skool te Lowryville. Lede van hierdie groep was afkomstig vanuit Johannesburg, Potchefstroom, Kaapstad, Worcester, Nigerië en Angola.
Hulle het ook uitgereik na ‘n versorgingstehuis te Towervallei. Hulle het ook verlede Sondag ‘n diens by die AGS Van S.A., Colesberg, waargeneem. Dankie aan almal wat verblyf en etes verskaf het. Verskeie kinders is in hierdie uitreikaksie bereik en was dit beslis die moeite werd.