Ek tik n afdraande pad

Soos ’n miswolk het dit die gemeenskap ingekruip-metafetamien of kristalmet beterbekend as tik. Meer jongmense in ons buurt met sy werkloosheid is vergryp aan tik want dis n goedkoop dwelmmiddel. Dit het verreikende gevolge. Die gebruiker voel meer energiek en gelukkig vir n rukkie. Daar is ook vir 18 uur geen drang na kos nie.

Dan tree die wrede werklikheid in.

Verslawing aan tik geskied vinniger as verslawing aan crack. N tikverslaafde ervaar n erge ineenstorting want die brein se bedrading word daar- deur verander en ’n obsessiewe denkpatroon ontstaan. Sonder professionele help is die dwelmverslaafde ’n hel op sy eie. Professionele help is so skaars soos hoendertanne.

Tikverslaafdes of soos hulle bekendstaan in die gemeenskap- tikkoppe, vertoon tekens van erge rusteloosheid en angstigheid wanneer die middel uittrek.

Kroniese gebruik van tik kan lei tot woede uitbarstings en verwarring. In sommige gevalle lei dit tot hallusinasies en dit kan lei tot moord.

Verslaafdes wend hulle tot diefstal. Waardevolle artikles word gesteel en verkoop. Ander mense word geroof. Ons gemeenskap het nie die vaardigheid om die nuwe euwel die hoof te bied nie. Die enigste mense wat baat vind is die dwelmsmouse. Hulle is die donker figure van die gemeenskap.

Hulle vernietig die waardigheid van die gemeenskap en stel dan onskuldige mense se lewens in gevaar. Armoede is nie ’n verskoning om sulke verwoesting te saai nie. Is dit werklik die enigste rede waarom jy, verstandige mens, op aarde is?