2 MANIERE MET FILET GESTOPTE FILET MET FOELIEGROENTE

FILET

1 heel beesfilet

125 g streepspek, repies gehalveer sout

MARINADE

2 lourierblare

45 ml (3 e) vars pietersielie, gekap 250 ml (1 k) rooiwynasyn

60 ml (¼ k) olie sap van 1 suurlemoen sout en pas gemaalde swartpeper GROENTE

1ui

1 rooi soetrissie, in groot blokke gesny 1 geel soetrissie, in groot blokke gesny 250 g sampioene, gehalveer

250 g murgpampoentjies, in kwarte

gesny

1 eiervrug, in blokke gesny

60 ml (¼ k) olyfolie

2-3 takkies vars tiemie, gekap sout en swartpeper

1 Filet Maak klein snytjies in die filet en stop dit met die spek.

2 Marinade Meng al die bestanddele in ’n groot glasbak en laat die filet 30 minute daarin marineer.

3 Braai die filet sowat 5 minute op ’n oop of in ’n toeklaprooster op warm kole tot die vleis alkant geseël is. Braai 15-20 minute verder hoër bo die kole tot die verlangde gaarheid (lees die wenke op bl. 10). Laat 10 minute rus. Geur met die sout.

4 Groente Plaas al die groente op ’n groot stuk aluminiumfoelie, bedruip met die olyfolie en geur met die tiemie, sout en swartpeper. Maak die foeliepakkie toe en plaas dit op ’n rooster op matige kole. Braai 2025 minute tot gaar.

5 Sit die groente saam met die filet voor.

CECILIA MARAIS NORTHCLIFF, GAUTENG