2 MANIERE MET RIBBETJIE

KLEWERIGE RIBBETJIES

RIBBETJIES

2 lamsribbetjies (sowat

800 g elk)

25 ml (5 t) Marokkaanse vryfmengsel (resep op bl. 16) olyfolie SMEERSEL

45 ml (3 e) bruinsuiker 15 ml (1 e) vissous

15 ml (1 e) tamarynpasta

(opsioneel) SUURLEMOENE

2 suurlemoene, in halwes

gesny

1 Ribbetjies Verwyder die los flappie van die ribbetjies.

2 Meng die Marokkaanse vryfmengsel met ’n bietjie olyfolie tot ’n loperige pasta en vryf oor die rib.

3 Braai 1½-2 uur stadig tot die vleis gaar is en die vet uitgebraai het. Draai gereeld om en verf nog vryfmengsel oor indien nodig. 4 Smeersel Meng intussen die bruinsuiker, vissous en tamarynpasta (indien gebruik). Maak insnydings tussen die ribbes wanneer dit gaar is en verf van die smeersel oor elke ribbetjie. Braai weer vinnig op warm kole tot klewerig. 5 Suurlemoene Braai die vleiskant van die suurlemoene effens. 6 Sit die ribbetjies voor saam met die suurlemoene en aartappelwiggies.

1 ’n Goeie idee is om die rib op ’n toeklaprooster te pak en dit dan skuins naby die vuur staan te maak waar dit rustig gaar kan word.